చిలకలూరిపేట - విమర్శల స్థానంలో భావోద్వేగాలు: మున్సిపల్ కౌన్సిల్ చివరి సమావేశంలో కదిలించే దృశ్యాలు! రాజకీయాలకు అతీతంగా ఆత్మీయతలు.. ముగిసిన చిలకలూరిపేట కౌన్సిలర్ల పదవీకాలం!

చిలకలూరిపేట - విమర్శల స్థానంలో భావోద్వేగాలు: మున్సిపల్ కౌన్సిల్ చివరి సమావేశంలో కదిలించే దృశ్యాలు! రాజకీయాలకు అతీతంగా ఆత్మీయతలు.. ముగిసిన చిలకలూరిపేట కౌన్సిలర్ల పదవీకాలం!

చిలకలూరిపేట: నిన్నటి వరకు ప్రజా సమస్యలపై వాడివేడి చర్చలు... అధికార, ప్రతిపక్షాల విమర్శలు, ప్రతివిమర్శలతో హోరెత్తిన మైలవరపు గుండయ్య కౌన్సిల్ హాలు సోమవారం భావోద్వేగాలకు వేదికైంది. ఐదేళ్ల సుదీర్ఘ మున్సిపల్ ప్రయాణానికి ముగింపు పలుకుతూ సభ్యులు బరువెక్కిన గుండెలతో ఒకరికొకరు ఆత్మీయ వీడ్కోలు పలికారు. చైర్మన్ షేక్ రఫాని అధ్యక్షతన జరిగిన ఈ చివరి అత్యవసర సమావేశంలో రాజకీయాలకు అతీతంగా ఆత్మీయతలు వెల్లివిరిశాయి.

​రాజకీయాలకు అతీతంగా ఆత్మీయ ఆలింగనం:

ఈ నెల 17తో కౌన్సిలర్ల పదవీకాలం ముగియనుండటంతో, రేపటి నుంచి తామంతా ఇలా ఒకేచోట కలిసే అవకాశం ఉండదన్న సత్యం సభ్యులను కలచివేసింది. పార్టీ సిద్ధాంతాలు, రాజకీయాలు పక్కనపెట్టి, ఒకరినొకరు ఆత్మీయంగా పలకరించుకుంటూ వీడ్కోలు చెప్పుకున్న దృశ్యాలు అందరినీ కదిలించాయి.

​కన్నీటి పర్యంతమైన కౌన్సిలర్లు:

ఈ ఐదేళ్ల కాలంలో ప్రజలకు సేవ చేసే అదృష్టాన్ని కల్పించిన ఎమ్మెల్యే ప్రత్తిపాటి పుల్లారావుకు, సహకరించిన తోటి సభ్యులకు ధన్యవాదాలు తెలుపుతూ టీడీపీ మహిళా కౌన్సిలర్ కన్నీటి పర్యంతమయ్యారు. పదవి ఉన్నా లేకపోయినా ప్రజల గుండెల్లో తమకు దక్కిన స్థానం చిరస్థాయిగా నిలిచిపోతుందని ఆమె ఉద్వేగంగా పేర్కొన్నారు.

​పొరపాట్లు ఉంటే క్షమించండి - వైస్ చైర్మన్ వలేటి వెంకటేశ్వర్లు

ప్రజా సమస్యల పరిష్కారంలో అధికారుల పట్ల గానీ, తోటి కౌన్సిలర్ల పట్ల గానీ తాను ఎప్పుడైనా దురుసుగా ప్రవర్తించి ఉంటే పెద్ద మనసుతో క్షమించాలని వైస్ చైర్మన్ వలేటి వెంకటేశ్వర్లు కోరారు. ఐదేళ్ల పాలనలో అడుగడుగునా సహకరించిన చైర్మన్ షేక్ రఫానికి, మున్సిపల్ అధికారులకు ఆయన ప్రత్యేక కృతజ్ఞతలు తెలిపారు.

​అభివృద్ధి పథంలో మన చిలకలూరిపేట - చైర్మన్ షేక్ రఫాని

గత ఐదేళ్లుగా కౌన్సిల్ సభ్యులంతా కలిసికట్టుగా ప్రజా సమస్యలపై పనిచేశారని చైర్మన్ షేక్ రఫాని ప్రశంసించారు. తమ హయాంలో మున్సిపాలిటీని 'సెలెక్షన్ గ్రేడ్'గా తీర్చిదిద్దామని, త్యాగధనులు డాక్టర్ జాన్ డేవిడ్ సేవలకు గుర్తింపుగా ఒక ప్రధాన రహదారికి ఆయన పేరు పెట్టామని గుర్తుచేశారు. పట్టణంలో నీటి ఎద్దడి రాకుండా పకడ్బందీ చర్యలు తీసుకున్నామని వెల్లడించారు.

​జ్ఞాపకాలను నెమరువేసుకున్న అధికారులు:

కేవలం కౌన్సిలర్లే కాకుండా, ఐదేళ్లుగా వారితో కలిసి పనిచేసిన మున్సిపల్ కమిషనర్ పి. శ్రీహరిబాబు, డీఈఈ షేక్ అబ్దుల్ రహీం తమ అనుభవాలను పంచుకుంటూ కౌన్సిల్ సభ్యులకు ధన్యవాదాలు తెలిపారు. 10వ వార్డు కౌన్సిలర్ బేరింగ్ మౌలాలి, మరికొందరు సభ్యులు వీధి కుక్కల నివారణ, తాగునీటి సమస్యలను ఈ చివరి సమావేశంలోనూ ప్రస్తావించడం వారి బాధ్యతకు అద్దం పట్టింది.

​ఘన నివాళులు:

సమావేశం ప్రారంభంలో ఏఎంజీ వ్యవస్థాపకుడు డాక్టర్ జాన్ డేవిడ్ కుమార్తె పెర్సీ స్వరూప మృతి పట్ల సభ సంతాపం ప్రకటించింది. అనంతరం అమరజీవి పొట్టి శ్రీరాములు జయంతిని పురస్కరించుకుని ఆయన చిత్రపటానికి పూలమాలలు వేసి ఘనంగా నివాళులు అర్పించారు.

చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.

https://whatsapp.com/channel/0029VaLWcILJUM2UjVzcs03g

Share:

Read More

చిలకలూరిపేట - హిందూ పండుగలకు ప్రత్యేక నిధులు కేటాయించాలి: పల్నాడు జిల్లా కలెక్టరేట్‌లో సనాతన హిందూ ధర్మ పరిరక్షణ సమితి వినతి

​చిలకలూరిపేట - హిందూ పండుగలకు ప్రత్యేక నిధులు కేటాయించాలి: పల్నాడు జిల్లా కలెక్టరేట్‌లో సనాతన హిందూ ధర్మ పరిరక్షణ సమితి వినతి

​పల్నాడు/చిలకలూరిపేట: త్వరలో రానున్న వసంత నవరాత్రులు, ఉగాది, మరియు శ్రీరామ నవమి పర్వదినాలను రాష్ట్రవ్యాప్తంగా ఘనంగా నిర్వహించేందుకు ప్రభుత్వం దేవాదాయ శాఖ ద్వారా ప్రత్యేక నిధులు కేటాయించాలని సనాతన హిందూ ధర్మ పరిరక్షణ సమితి డిమాండ్ చేసింది. ఈ మేరకు పల్నాడు జిల్లా కలెక్టర్ కార్యాలయంలో అధికారులకు సమితి నాయకులు వినతి పత్రం సమర్పించారు.

​ఈ కార్యక్రమంలో సమితి జాతీయ అధ్యక్షులు మల్లెల శివ నాగేశ్వరరావు, పల్నాడు జిల్లా బీజేపీ యువ నాయకులు ఇంగ్గుటూరి రాజశేఖర్ రెడ్డి, సంఘ రాష్ట్ర కార్యదర్శి సింగరేసు పోలయ్య తదితరులు పాల్గొన్నారు.

​సానుకూలంగా స్పందించిన డీఆర్ఓ:

సమితి నాయకుల వినతి పత్రం స్వీకరించిన జిల్లా రెవెన్యూ అధికారి (DRO) గారు ఈ విషయంపై వెంటనే స్పందించారు. అక్కడికక్కడే దేవాదాయ శాఖ అధికారులను పిలిపించి, పండుగల నిర్వహణ మరియు నిధుల కేటాయింపు సమస్యపై తగిన చర్యలు తీసుకోవాలని ఆదేశించడం గమనార్హం.

​గ్రామీణ ఆలయాల పరిస్థితిపై ఆందోళన (అదనపు సమాచారం):

పల్నాడు జిల్లాతో పాటు రాష్ట్రవ్యాప్తంగా అనేక గ్రామాలు, పట్టణాల్లోని రామాలయాలు, గ్రామ దేవతల గుడులు సరైన ఆదాయం లేక నిర్వహణలో తీవ్ర ఇబ్బందులు ఎదుర్కొంటున్నాయని నాయకులు ఈ సందర్భంగా అధికారుల దృష్టికి తెచ్చారు. కేవలం భక్తుల విరాళాలపైనే ఆధారపడకుండా, ప్రభుత్వం బాధ్యతగా దేవాదాయ శాఖ ద్వారా నిధులు మంజూరు చేస్తేనే వసంత నవరాత్రులు, సీతారామ కళ్యాణాలు, అన్నదాన కార్యక్రమాలు నిర్విఘ్నంగా సాగుతాయని వారు స్పష్టం చేశారు.

​ప్రభుత్వం ముందు ఉంచిన ప్రధాన డిమాండ్లు ఇవే:

​ఆలయాల నిర్వహణ కోసం:

• ​వసంత నవరాత్రుల ప్రత్యేక పూజలు, శ్రీ సీతారామ కల్యాణం, హోమాల నిర్వహణకు ఆర్థిక సాయం.
• ​ఆలయ ప్రాంగణాల పారిశుధ్యం, విద్యుత్ దీపాలంకరణలు.
• ​ఎండల తీవ్రత దృష్ట్యా భక్తుల కోసం తాత్కాలిక చలువ పందిళ్లు, కూర్చునే సదుపాయాలు.
• ​తాగునీరు, ప్రసాద వితరణ, అన్నదాన కార్యక్రమాలకు అండగా నిలవడం.
• ​హరికథలు, భజనలు వంటి సాంస్కృతిక కార్యక్రమాలకు ప్రోత్సాహం.

​ఉగాది మార్కెట్లలో మౌలిక వసతులు:

ఉగాది పండుగకు ముందు ప్రజలు పచ్చడి దినుసులు, పూలు, పండ్లు కొనుగోలు చేసేందుకు మార్కెట్లకు పోటెత్తుతారు. ఈ రద్దీని దృష్టిలో ఉంచుకుని స్థానిక యంత్రాంగం ఈ క్రింది ఏర్పాట్లు చేయాలని కోరారు:

• ​కొనుగోలు కేంద్రాల వద్ద రద్దీ నియంత్రణకు పటిష్టమైన ట్రాఫిక్ ఏర్పాట్లు.
• ​ప్రజల సౌకర్యార్థం తాగునీటి వసతి, ఎండ తగలకుండా తాత్కాలిక షెడ్ల నిర్మాణం.
• ​మార్కెట్ ప్రాంతాల్లో పరిశుభ్రత నిర్వహణ, తగిన భద్రతా చర్యలు.

​ప్రభుత్వం ఈ దిశగా వెంటనే అడుగులు వేసి భక్తులకు పండుగ వాతావరణాన్ని మరింత ఆనందదాయకంగా మార్చాలని సనాతన హిందూ ధర్మ పరిరక్షణ సమితి నేతలు విజ్ఞప్తి చేశారు.

చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.

https://whatsapp.com/channel/0029VaLWcILJUM2UjVzcs03g

Share:

Read More

చిలకలూరిపేట సుబ్బయ్య తోటలో ఆకతాయిల బీభత్సం.. మాటువేసి పెట్రోల్ దొంగను రెడ్ హ్యాండెడ్‌గా పట్టుకొని దేహశుద్ధి చేసిన స్థానికులు

చిలకలూరిపేట సుబ్బయ్య తోటలో ఆకతాయిల బీభత్సం.. మాటువేసి పెట్రోల్ దొంగను రెడ్ హ్యాండెడ్‌గా పట్టుకొని దేహశుద్ధి చేసిన స్థానికులు

పల్నాడు జిల్లా, చిలకలూరిపేట పట్టణంలోని సుబ్బయ్య తోట, గౌడ వీధిలో గత కొన్ని రోజులుగా అర్ధరాత్రి పూట కొందరు ఆకతాయిల ఆగడాలు మితిమీరుతున్నాయి. ఇళ్ల ముందు ఆపి ఉంచిన ద్విచక్ర వాహనాలు, సైకిళ్లను లక్ష్యంగా చేసుకుని ఈ ముఠా దాడులకు తెగబడుతోంది. బైకులను కింద పడేయడం, అద్దాలు పగలగొట్టడం, సెంట్రల్ స్టాండ్లు విరగ్గొట్టడం లాంటి విధ్వంసాలకు పాల్పడుతున్నారు. ఉదయం నిద్రలేచి చూసేసరికి తమ వాహనాలు డ్యామేజ్ కావడాన్ని గమనించిన బజారు వాసులు తీవ్ర ఆందోళనకు గురయ్యారు.

​వరుసగా రెండు రోజుల పాటు ఇదే తంతు కొనసాగడంతో విసిగిపోయిన స్థానికులు, నిన్న రాత్రి ఆ వీధిలో పక్కాగా మాటు వేశారు. అదే సమయంలో సుజాత డెంటల్ హాస్పిటల్ వైద్యులు డాక్టర్ దేవరకొండ గోపాలకృష్ణకు చెందిన ద్విచక్ర వాహనంలోంచి పెట్రోల్ దొంగిలిస్తుండగా.. జల్లెడ గణేష్ అనే స్థానికుడు ఒక యువకుడిని గమనించి రెడ్ హ్యాండెడ్‌గా పట్టుకున్నాడు. అతన్ని గట్టిగా నిలదీయగా పొంతన లేని సమాధానాలు చెప్పడంతో, స్థానికులంతా ఒక్కటయ్యారు. తమ వాహనాలకు నష్టం చేకూరుస్తున్న ఆకతాయికి బుద్ధి వచ్చేలా దేహశుద్ధి చేసి, నేరుగా తీసుకెళ్లి చిలకలూరిపేట టౌన్ పోలీస్ స్టేషన్‌లో అప్పగించారు.

​స్థానికుల కలవరం - హెచ్చరిక:

​చిలకలూరిపేట నడిబొడ్డున ఉండే సుబ్బయ్య తోట ప్రాంతం హోల్‌సేల్ కూరగాయల మార్కెట్‌కు అత్యంత సమీపంలో ఉంటుంది. తెల్లవారుజామున ఒంటిగంట నుంచే మార్కెట్ హడావిడి మొదలవుతుంది కాబట్టి, పగలు, రాత్రి అనే తేడా లేకుండా ఇక్కడ ఎప్పుడూ జన సంచారం ఉంటుంది. జనావాసం ఎక్కువగా ఉండే ఇలాంటి రద్దీ ప్రాంతంలో దొంగతనాలు జరగడం చాలా అరుదు. కానీ, గత కొన్ని రోజులుగా జరుగుతున్న ఈ పరిణామాలతో బజారు వాసుల్లో భయాందోళనలు మొదలయ్యాయి.

​దీనిపై పోలీసులు వెంటనే స్పందించి రాత్రి పూట పెట్రోలింగ్ పెంచాలని, కఠిన చర్యలు తీసుకోవాలని స్థానికులు కోరుతున్నారు. మళ్లీ ఎవరైనా ఇలాంటి దొంగతనాలకు, వాహనాల ధ్వంసానికి పాల్పడుతూ దొరికితే.. తీవ్రమైన దేహశుద్ధి తప్పదని, అలాగే పోలీసు కేసులు పెట్టి కఠినంగా శిక్షింపజేస్తామని స్థానికులు గట్టిగా హెచ్చరించారు.

ఇకపై కరెంట్ బిల్లు కట్టే అవసరం లేదు - పూర్తి వివరాల కోసం ఇప్పుడే కాల్ చేయండి - +91 70135 89826 - ఆదిత్య సోలార్ - సోలార్ గురించి పూర్తి సమాచారాన్ని తెలుసుకొని ఆ తర్వాతే బిగించుకోండి.

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి.

https://whatsapp.com/channel/0029VaLWcILJUM2UjVzcs03g

Share:

Read More

చిలకలూరిపేట రూరల్ - కాలువలోకి దూసుకెళ్లిన బైక్, వ్యక్తి దుర్మరణం! 🚨

చిలకలూరిపేట రూరల్ - కాలువలోకి దూసుకెళ్లిన బైక్, వ్యక్తి దుర్మరణం! 🚨

​చిలకలూరిపేట రూరల్: అర్ధరాత్రి వేళ ఆ రోడ్డు మృత్యుపాశమైంది. ద్విచక్ర వాహనం అదుపుతప్పి ఎండిపోయిన పంట కాలువలోకి దూసుకెళ్లిన ఘోర ప్రమాదంలో ఒక కుటుంబ పెద్ద అక్కడికక్కడే ప్రాణాలు వదిలాడు. ఈ హృదయ విదారక ఘటన చిలకలూరిపేట రూరల్ పరిధిలో చోటుచేసుకుంది.

​ప్రమాదం జరిగిందిలా..

పోలీసులు మరియు స్థానికులు తెలిపిన వివరాల ప్రకారం.. ఎడ్లపాడు మండలం జాలాది గ్రామానికి చెందిన పిల్లి దొరక రాజు (38) తన వ్యక్తిగత పనుల నిమిత్తం శనివారం చిలకలూరిపేట వచ్చాడు. పనులు ముగించుకుని ఆదివారం (మార్చి 15) తెల్లవారుజామున ఒంటి గంట సమయంలో తన మోటార్ సైకిల్‌పై స్వగ్రామానికి తిరుగు ప్రయాణమయ్యాడు. వేలూరు గ్రామం దాటిన తర్వాత, అర్ధరాత్రి చీకటి కారణంగా ఆయన ప్రయాణిస్తున్న వాహనం అకస్మాత్తుగా అదుపుతప్పింది. వేగంగా వెళ్తున్న బైక్ నేరుగా రోడ్డు పక్కనే ఎండిపోయి ఉన్న పంట కాలువలోకి దూసుకెళ్లింది.

​తలకు బలమైన గాయాలు..

కాలువలోకి పడిన వేగానికి రాజు తలకు తీవ్రమైన బలమైన గాయాలు అయ్యాయి. అర్ధరాత్రి సమయం కావడం, అటుగా ఎవరూ గమనించకపోవడంతో తీవ్ర రక్తస్రావమై రాజు అక్కడికక్కడే దుర్మరణం చెందాడు. ఉదయం అటుగా వెళ్తున్న స్థానికులు కాలువలో పడి ఉన్న బైక్, మృతదేహాన్ని గమనించి పోలీసులకు మరియు కుటుంబ సభ్యులకు సమాచారం అందించారు.

​కన్నీరుమున్నీరుగా కుటుంబ సభ్యులు..

రోజూలాగే పనులకని వెళ్లిన మనిషి విగతజీవిగా తిరిగి రావడంతో జాలాది గ్రామంలో తీవ్ర విషాద ఛాయలు అలుముకున్నాయి. మృతుడు దొరక రాజుకు భార్య వరలక్ష్మి, ఇద్దరు కుమారులు, ఒక కుమార్తె ఉన్నారు. చిన్న వయసులోనే పిల్లలు తండ్రిని కోల్పోవడంతో వారి రోదనలు స్థానికులను కంటతడి పెట్టించాయి. "ఇక మాకు దిక్కెవరు?" అంటూ భార్య వరలక్ష్మి గుండెలు బాదుకుంటూ ఏడుస్తున్న తీరు అక్కడి వారిని కలచివేసింది.

​కేసు నమోదు చేసిన పోలీసులు..

ఘటనా స్థలానికి చేరుకున్న చిలకలూరిపేట రూరల్ ఎస్ఐ శ్రీ G. అనిల్ కుమార్ ప్రమాదం జరిగిన తీరును పరిశీలించారు. మృతుని భార్య వరలక్ష్మి ఇచ్చిన ఫిర్యాదు మేరకు కేసు నమోదు చేసుకున్నారు. మృతదేహానికి చిలకలూరిపేట ప్రభుత్వ ఆసుపత్రిలో పోస్టుమార్టం (శవపంచనామా) నిర్వహించిన అనంతరం, పార్థివ దేహాన్ని కన్నీటి వీడ్కోలు మధ్య బంధువులకు అప్పగించారు.

​స్పీడ్ న్యూస్ అలర్ట్: రాత్రి సమయాల్లో ప్రయాణాలు చేసేటప్పుడు ద్విచక్ర వాహనదారులు తప్పనిసరిగా హెల్మెట్ ధరించాలి, అలాగే వేగ నియంత్రణ పాటించాలని పోలీసులు సూచిస్తున్నారు.

ఇకపై కరెంట్ బిల్లు కట్టే అవసరం లేదు - పూర్తి వివరాల కోసం ఇప్పుడే కాల్ చేయండి - +91 70135 89826 - ఆదిత్య సోలార్ - సోలార్ గురించి పూర్తి సమాచారాన్ని తెలుసుకొని ఆ తర్వాతే బిగించుకోండి.

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి.

https://whatsapp.com/channel/0029VaLWcILJUM2UjVzcs03g

Share:

Read More

శరవేగంగా సంజీవనగర్ పైపులైన్ మరమ్మతులు... సోమవారం మధ్యాహ్నానికి నీటి సరఫరా పునరుద్ధరణ!

శరవేగంగా సంజీవనగర్ పైపులైన్ మరమ్మతులు... సోమవారం మధ్యాహ్నానికి నీటి సరఫరా పునరుద్ధరణ!

​చిలకలూరిపేట: స్థానిక సంజీవనగర్ ప్రాంతంలో కలుషిత నీటి సమస్యను పరిష్కరించే దిశగా మున్సిపల్ యంత్రాంగం యుద్ధప్రాతిపదికన చర్యలు చేపట్టింది. పైపులైన్ లీకేజీల మరమ్మతు పనులు శరవేగంగా కొనసాగుతున్నాయి.

​తాజా పరిస్థితి (గ్రౌండ్ రిపోర్ట్): నేడు (ఆదివారం) క్షేత్రస్థాయిలో పనుల పురోగతిని సమీక్షించగా.. అధికారులు రేయింబవళ్లు శ్రమిస్తున్నారు. ఎట్టి పరిస్థితుల్లోనూ ఆదివారం సాయంత్రం కల్లా ఈ పైపులైన్ మరమ్మతులను పూర్తి చేసి, సోమవారం మధ్యాహ్నం నాటికి సంజీవనగర్ వాసులకు ఎటువంటి ఇబ్బందులు లేకుండా త్రాగునీటిని సరఫరా చేయాలని అధికారులు దృఢ నిశ్చయంతో ఉన్నారు.

​అధికారుల పర్యవేక్షణ: ఈ పనులను మున్సిపల్ చైర్మన్ షేక్ రఫాని శుక్రవారం నాడు స్వయంగా పరిశీలించారు. ప్రజలకు ఆరోగ్య సమస్యలు తలెత్తకుండా స్వచ్ఛమైన నీటిని అందించడమే తమ లక్ష్యమని ఆయన స్పష్టం చేశారు. మున్సిపల్ కమిషనర్ పి. శ్రీహరిబాబు, డీఈ అబ్దుల్ రహీం ఈ నీటి సరఫరా వ్యవస్థను నిరంతరం పర్యవేక్షిస్తున్నారు.

​ప్రజలకు విజ్ఞప్తి: నీటి సరఫరాలో ఎక్కడైనా అంతరాయాలు లేదా ఇబ్బందులు తలెత్తితే వెంటనే మున్సిపల్ కార్యాలయానికి సమాచారం ఇవ్వాలని పుర ప్రజలను అధికారులు కోరారు. ఈ పనుల పర్యవేక్షణలో 10వ వార్డు కౌన్సిలర్ మౌలాలి, ఇంజనీరింగ్ సెక్షన్ ఏఈలు, సచివాలయ సిబ్బంది చురుగ్గా పాల్గొంటున్నారు.

ఇకపై కరెంట్ బిల్లు కట్టే అవసరం లేదు - పూర్తి వివరాల కోసం ఇప్పుడే కాల్ చేయండి - +91 70135 89826 - ఆదిత్య సోలార్ - సోలార్ గురించి పూర్తి సమాచారాన్ని తెలుసుకొని ఆ తర్వాతే బిగించుకోండి.

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి.

https://whatsapp.com/channel/0029VaLWcILJUM2UjVzcs03g

Share:

Read More

​పుంగనూరులో ఘోర విషాదం: మెకానిక్ ఇచ్చిన ఒక్క సలహాతో ఒకే కుటుంబంలో నలుగురు బలి! అసలు ఏమి జరిగింది అంటే?

​పుంగనూరులో ఘోర విషాదం: మెకానిక్ ఇచ్చిన ఒక్క సలహాతో ఒకే కుటుంబంలో నలుగురు బలి! అసలు ఏమి జరిగింది అంటే?

​🚨 చిలకలూరిపేట స్పీడ్ న్యూస్ - ప్రత్యేక కథనం 🚨

​మెకానిక్ ఇచ్చిన ఆ ఒక్క సలహా.. ఒకే కుటుంబంలో నలుగురిని బలి తీసుకుంది!

నిద్రలోనే ప్రాణాలు తీసిన 'సైలెంట్ కిల్లర్'.. బైక్ ఇంజిన్ పొగతో ఘోర విషాదం

​అన్నమయ్య జిల్లా పుంగనూరులో కంటతడి పెట్టించే అత్యంత విషాదకర ఘటన చోటుచేసుకుంది. అమాయకత్వం, అవగాహనా లోపం వెరసి పసివాళ్లతో సహా నలుగురి ప్రాణాలు గాలిలో కలిసిపోయాయి. ఒక మెకానిక్ ఇచ్చిన సలహా ఆ కుటుంబాన్ని శాశ్వత శోకంలోకి నెట్టేసింది.

​అసలేం జరిగిందంటే..?

పుంగనూరు పట్టణంలోని త్యాగరాజు వీధికి చెందిన మురళి అనే వ్యక్తి శనివారం తన బైక్‌ ఇంజిన్ చెడిపోతే మెకానిక్ షా‌పులో బోర్ చేయించి ఇంటికి తీసుకొచ్చాడు. అయితే, "కొత్తగా బోర్ చేయించావు కదా.. ఇంజిన్ బాగా సెట్ అవ్వాలంటే రాత్రంతా బైక్‌ను స్టార్ట్ చేసి ఉంచు" అని మెకానిక్ ఉచిత సలహా ఇచ్చాడు.

​దీంతో మురళి తన బైక్‌ను ఇంటి లోపల హాల్లో ఉంచి, తలుపులన్నీ గడియపెట్టి ఇంజిన్ ఆన్ చేశాడు. మురళి, అతడి భార్య రేవతి పై అంతస్తులో నిద్రించగా.. కింద గదిలో మురళి తండ్రి రామచంద్రయ్య, కుమారుడు కార్తీక్, కవల కుమార్తెలు చరిత, చందన పడుకున్నారు. గాలి బయటకు వెళ్లే అవకాశం లేని ఆ ఇరుకు గదిలో రాత్రంతా ఇంజిన్ నుంచి వెలువడిన పొగ దట్టంగా పేరుకుపోయింది. ఉదయం వచ్చి చూసేసరికి నలుగురూ విగతజీవులుగా పడి ఉండటంతో ఆ తల్లిదండ్రులు కన్నీరుమున్నీరుగా విలపించారు.

​ప్రాణాలు తీసిన 'సైలెంట్ కిల్లర్' (కార్బన్ మోనాక్సైడ్):

సాధారణంగా వాహనాల నుంచి వెలువడే పొగలో 'కార్బన్ మోనాక్సైడ్' (CO) అనే అత్యంత ప్రమాదకరమైన వాయువు ఉంటుంది. దీనికి రంగు, రుచి, వాసన ఉండవు.

• ​మూసి ఉన్న గదుల్లో ఇంజిన్ ఆన్ చేసినప్పుడు.. ఈ వాయువు గదిలోని ఆక్సిజన్ స్థానాన్ని ఆక్రమిస్తుంది.
• ​మనం పీల్చే గాలి ద్వారా ఇది నేరుగా రక్తంలోని హిమోగ్లోబిన్‌తో కలిసిపోతుంది.
• ​దీనివల్ల క్షణాల్లో మెదడుకు, గుండెకు ఆక్సిజన్ సరఫరా నిలిచిపోతుంది.
• ​గాఢ నిద్రలో ఉన్నప్పుడు ఈ వాయువు ప్రభావం వల్ల మనిషికి ఊపిరి ఆడుతుందో లేదో కూడా తెలియదు. ఏమాత్రం స్పృహ లేకుండానే, నొప్పి తెలియకుండానే ప్రాణాలు గాలిలో కలిసిపోతాయి. పుంగనూరులో కూడా సరిగ్గా ఇదే జరిగింది.

​మన చిలకలూరిపేట ప్రజలకు స్పీడ్ న్యూస్ హెచ్చరిక - ఈ జాగ్రత్తలు తప్పనిసరి:

ఈ ఘటన మనందరికీ ఒక కనువిప్పు కావాలి. మన ప్రాంతంలో కూడా ఇలాంటి పొరపాట్లు జరగకుండా ఈ జాగ్రత్తలు పాటించండి:

• ​ఇంట్లో వాహనాలు వద్దు: బైక్ లేదా కారు ఇంజిన్‌ను ఎప్పుడూ మూసి ఉన్న గదుల్లో స్టార్ట్ చేసి ఉంచకూడదు. కనీసం కిటికీలు, తలుపులైనా తెరిచి ఉంచాలి.
• ​మెకానిక్ సలహాలు గుడ్డిగా నమ్మకండి: ఇంజిన్ బోర్ చేసినప్పుడు వాహనాన్ని రాత్రంతా స్టార్ట్ చేసి ఉంచాల్సిన అవసరం ఏమాత్రం లేదని నిపుణులు చెబుతున్నారు. ఒకవేళ ఉంచినా అది పూర్తిగా ఆరుబయట (బహిరంగ ప్రదేశంలో) మాత్రమే ఉండాలి.
• ​వెంటిలేషన్ ముఖ్యం: ఇళ్లలో గాలి, వెలుతురు ధారాళంగా వచ్చేలా క్రాస్ వెంటిలేషన్ ఉండేలా చూసుకోవాలి.
• ​జనరేటర్లతో జాగ్రత్త: కరెంటు పోయినప్పుడు వాడే జనరేటర్లు, పంపు సెట్లను కూడా ఇళ్ల లోపల, లేదా మూసి ఉన్న వరండాల్లో అస్సలు వాడకూడదు.

చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్

 మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.

https://whatsapp.com/channel/0029VaLWcILJUM2UjVzcs03g

​- మీ చిలకలూరిపేట స్పీడ్ న్యూస్

Share:

Read More

చిలకలూరిపేట - రౌడీయిజం చేస్తే తోలు తీస్తాం.. గీత దాటితే 'పీడీ యాక్టే'.. సీఐ రమేష్ స్ట్రాంగ్ కౌన్సెలింగ్.

చిలకలూరిపేట - రౌడీయిజం చేస్తే తోలు తీస్తాం.. గీత దాటితే 'పీడీ యాక్టే'.. సీఐ రమేష్ స్ట్రాంగ్ కౌన్సెలింగ్.

​🚨 చిలకలూరిపేట రౌడీ షీటర్లకు టౌన్ సీఐ రమేష్ 'మాస్ వార్నింగ్'.. పద్ధతి మార్చుకోకపోతే ఊరు విడిచి పోవాల్సిందే! 🚨

​(చిలకలూరిపేట - స్పీడ్ న్యూస్ ప్రతినిధి): పట్టణంలో శాంతిభద్రతల పరిరక్షణే ధ్యేయంగా పోలీసులు ఉక్కుపాదం మోపుతున్నారు. అసాంఘిక కార్యకలాపాలకు పాల్పడితే ఇకపై ఉపేక్షించేది లేదని, రౌడీయిజం చేస్తే తోలు తీస్తామని చిలకలూరిపేట టౌన్ సీఐ పి. రమేష్ గట్టిగా హెచ్చరించారు. ఆదివారం టౌన్ పోలీస్ స్టేషన్‌లో పట్టణ పరిధిలోని రౌడీ షీటర్లను పిలిపించి ఆయన ప్రత్యేక కౌన్సెలింగ్ నిర్వహించారు.

​ప్రధానాంశాలు:

• ​గీత దాటితే 'పీడీ యాక్ట్' (PD Act) ఖాయం: పాత నేరస్తుల కదలికలపై పోలీసుల స్పెషల్ టీమ్స్ నిరంతరం నిఘా ఉంచాయని సీఐ స్పష్టం చేశారు. ఎవరైనా వీధుల్లో గొడవలకు దిగినా, సెటిల్మెంట్లు, దౌర్జన్యాలకు పాల్పడినా, శాంతిభద్రతలకు విఘాతం కలిగించినా చూస్తూ ఊరుకునేది లేదన్నారు. నేర స్వభావాన్ని మార్చుకోని వారిపై వెంటనే పీడీ యాక్ట్ నమోదు చేయడమే కాకుండా, ఏకంగా పట్టణ బహిష్కరణ (Externment) చేస్తామని ఘాటుగా హెచ్చరించారు.
• ​గంజాయి, బ్లేడ్ బ్యాచ్‌లపై స్పెషల్ ఫోకస్: యువతను పెడదోవ పట్టించేలా గంజాయి విక్రయాలు జరిపినా, గ్రూపులుగా ఏర్పడి ప్రజలను భయభ్రాంతులకు గురిచేసినా కఠిన చర్యలు తప్పవని వార్నింగ్ ఇచ్చారు.
• ​పనీపాటా చూసుకొని బతకండి: రౌడీ షీటర్లు గతాన్ని వదిలిపెట్టి, సమాజంలో గౌరవప్రదంగా బతకాలని సీఐ సూచించారు. ఏదైనా ఉపాధి లేదా పనులు చేసుకుంటూ కుటుంబంతో ప్రశాంతంగా జీవించాలని, మళ్లీ నేరాల బాట పడి జైళ్ల పాలు కావొద్దని, కుటుంబ సభ్యులను రోడ్డున పడేయొద్దని హితవు పలికారు.
• ​ప్రజలకు పోలీసుల భరోసా: చిలకలూరిపేటలో ప్రజలకు ఎవరి నుంచైనా బెదిరింపులు వచ్చినా, అసాంఘిక శక్తులు ఇబ్బంది పెట్టినా వెంటనే 'డయల్ 100' కు గానీ, టౌన్ పోలీస్ స్టేషన్ కు గానీ సమాచారం ఇవ్వాలని సీఐ కోరారు. ఫిర్యాదు చేసిన వారి వివరాలు గోప్యంగా ఉంచుతామని ప్రజలకు భరోసా ఇచ్చారు.

చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్

మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.

https://whatsapp.com/channel/0029VaLWcILJUM2UjVzcs03g

Share:

Read More