చిలకలూరిపేట - అన్నదాత సుఖీభవ" కాదు.. అది "చంద్ర దుఃఖీభవ".. యాప్‌లో యూరియానా..? రైతుల మెడకు ఉరితాడా..! టెక్నాలజీ పేరుతో బాబు దగా! కూటమి సర్కార్‌పై విడదల రజిని ఫైర్! పూర్తి వివరాల కోసం క్రింది లింకు పై క్లిక్ చేయండి.

చిలకలూరిపేట - అన్నదాత సుఖీభవ" కాదు.. అది "చంద్ర దుఃఖీభవ".. యాప్‌లో యూరియానా..? రైతుల మెడకు ఉరితాడా..! టెక్నాలజీ పేరుతో బాబు దగా! కూటమి సర్కార్‌పై విడదల రజిని ఫైర్! 

చిలకలూరిపేటలో చంద్రబాబు పర్యటన అనంతరం చిలకలూరిపేటలో తన నివాసంలో ప్రెస్ మీట్ నిర్వహించిన మాజీ మంత్రి విడదల రజిని

సూపర్ సిక్స్ కాదు.. సూపర్ మోసం! 📉కూటమి ప్రభుత్వం సూపర్ సిక్స్ హామీల పేరుతో రైతులను నిలువునా మోసం చేస్తోందని ఆమె మండిపడ్డారు. ఎన్నికల ముందు ప్రతి రైతుకూ ఏటా రూ. 20,000 ఇస్తామని చెప్పిన చంద్రబాబు.. తీరా అధికారంలోకి వచ్చాక కేంద్రం ఇచ్చే 6 వేలు కూడా కలుపుకుని మాయమాటలు చెబుతున్నారు. జగనన్న హయాంలో 53.5 లక్షల మంది రైతులకు పెట్టుబడి సాయం అందిస్తే, కూటమి ప్రభుత్వం ఏకంగా రాష్ట్రవ్యాప్తంగా 7 లక్షల మందికి కోత పెట్టింది. ఒక్క పల్నాడు జిల్లాలోనే 40 వేల మంది రైతుల పేర్లను తొలగించారు. జగన్మోహన్ రెడ్డి గారు ఐదేళ్లలో ప్రతి రైతుకు రూ. 67,500 అందించి రైతు రాజుగా నిలబడితే, ఇప్పుడు బాబు గారి పాలనలో ప్రతి రైతుకు రూ. 32 వేల చొప్పున ప్రభుత్వం బాకీ పడిందని లెక్కలతో సహా ఎండగట్టారు.

​😢 అది అన్నదాత సుఖీభవ కాదు.. 'చంద్ర దుఃఖీభవ' 💔

రైతులు పండించిన పొగాకు, మామిడి, ఆక్వా, శనగలు, మొక్కజొన్న.. ఇలా ఏ పంటకూ గిట్టుబాటు ధర లేక అన్నదాతలు రోడ్డెక్కుతున్నారు. రైతు సమస్యలు ప్రభుత్వానికి పట్టడం లేదు. చిలకలూరిపేట పక్కనే ఉన్న నాదెండ్లలో ఇద్దరు రైతులు, వినుకొండలో ఒక రైతు ఆత్మహత్య చేసుకుంటే కనీసం పరామర్శించిన పాపాన పోలేదు. రాష్ట్రంలో రోజుకు సగటున రెండు రైతు ఆత్మహత్యలు జరుగుతున్నా రియల్ టైం గవర్నెన్స్ పేరుతో సచివాలయంలో కూర్చుని మానిటర్ చేస్తాననడం హాస్యాస్పదం. రైతుల ఉసురు పోసుకుంటున్న ఈ పథకానికి 'అన్నదాత సుఖీభవ' అని కాకుండా 'చంద్ర దుఃఖీభవ' అని వైఎస్సార్సీపీ నామకరణం చేస్తోందని ఎద్దేవా చేశారు.

​📱 యాప్ లో యూరియా.. స్మార్ట్ ఫోన్ కొనేదెలా? 🤷‍♂️

ఐటీ, టెక్నాలజీ అంటూ ఊదరగొట్టే చంద్రబాబు.. రైతులకు యూరియా కావాలంటే యాప్ లో బుక్ చేసుకోవాలని వింత రూల్స్ పెడుతున్నారు. స్మార్ట్ ఫోన్ ఎలా వాడాలో తెలియని పేద రైతులు రూ. 20 వేలు పెట్టి ఫోన్ కొనుక్కుని, అందులో యాప్ డౌన్లోడ్ చేసుకుని బుక్ చేసుకోవాలా? అని ప్రశ్నించారు. యాప్ లో బుక్ చేయలేదని నెపం నెట్టి రైతులకు యూరియా ఇవ్వకుండా ఎగనామం పెట్టే కుట్ర జరుగుతోంది. మా హయాంలో ఆర్బీకేల (RBK) ద్వారా ఎరువుల నుంచి కొనుగోళ్ల వరకు ఇంటి ముంగిటే సేవలు అందిస్తే.. ఇప్పుడు కనీస శిక్షణ లేని యాప్‌లతో రైతులను బలిపశువులను చేస్తున్నారని ఫైర్ అయ్యారు.

​🎤 లోకల్ ఎంపీకి అదిరిపోయే కౌంటర్! 🔥

గడిచిన ఐదేళ్లలో చిలకలూరిపేటలో పోలీస్ రాజ్యం నడిచిందని పల్నాడు ఎంపీ లావు శ్రీకృష్ణదేవరాయలు చేసిన వ్యాఖ్యలపై జర్నలిస్టు అడిగిన ప్రశ్నకు రజిని స్ట్రాంగ్ కౌంటర్ ఇచ్చారు. "2019 నుంచి 2024 వరకు ఆయన మా వైఎస్సార్సీపీ పార్టీలోనే, ఎంపీగా ఉన్నారు కదా? అప్పుడు సైలెంట్‌గా లబ్ధి పొంది, ఇప్పుడు అవసరం కొద్దీ కండువా మార్చి మమ్మల్నే విమర్శిస్తారా? రేపు పొద్దున మళ్లీ పార్టీ మారితే టీడీపీ హయాంలో లాకప్ డెత్‌లు జరిగాయని కూడా ఆయన మాట్లాడుతారు. అలాంటి నాయకుల గురించి మాట్లాడుకోవడం కూడా అనవసరం" అని ఘాటుగా బదులిచ్చారు.

Share:

Read More

చిలకలూరిపేట - నాగభూషణం ప్రకృతి వ్యవసాయ క్షేత్రంలో ఆసక్తికరమైన సంఘటన జరిగింది - అక్కడికక్కడే భువనేశ్వరికు ఫోన్ చేసి నూనె కొన్న సీఎం! పూర్తి వివరాల కోసం క్రింది లింక్ పై క్లిక్ చేయండి

చిలకలూరిపేట - నాగభూషణం ప్రకృతి వ్యవసాయ క్షేత్రంలో ఆసక్తికరమైన సంఘటన జరిగింది - అక్కడికక్కడే భువనేశ్వరికు ఫోన్ చేసి నూనె కొన్న సీఎం!

పల్నాడు జిల్లా చిలకలూరిపేట నియోజకవర్గం లింగంగుంట్లలో శనివారం పండుగ వాతావరణం నెలకొంది! 'అన్నదాత సుఖీభవ' కార్యక్రమంలో భాగంగా విచ్చేసిన రాష్ట్ర ముఖ్యమంత్రి శ్రీ నారా చంద్రబాబు నాయుడు గారు... మన స్థానిక ప్రకృతి వ్యవసాయ క్షేత్రాన్ని సందర్శించి రైతన్నల్లో నూతనోత్సాహాన్ని నింపారు. ఈ సందర్భంగా ఆయన చేసిన పనులు, పలికిన మాటలు అందరినీ ఆకట్టుకున్నాయి!

​🌱 నాగభూషణం వ్యవసాయం... సీఎం ప్రశంసల వర్షం!

గత నాలుగేళ్లుగా రసాయనాలకు దూరంగా, ప్రకృతికి దగ్గరగా వ్యవసాయం చేస్తున్న మన ప్రాంత ఆదర్శ రైతు గుడిపల్లి నాగభూషణం పొలాన్ని సీఎం పరిశీలించారు. పెట్టుబడి తగ్గడం, భూసారం పెరగడం, దిగుబడులు లాభసాటిగా మారడం పట్ల సీఎం హర్షం వ్యక్తం చేశారు. రాష్ట్రంలో ప్రకృతి వ్యవసాయాన్ని ప్రోత్సహించడమే తమ ప్రభుత్వ లక్ష్యమని చెబుతూ... "నాగభూషణం లాంటి రైతులు రాష్ట్రానికే ఆదర్శం" అంటూ ప్రశంసల జల్లు కురిపించారు. 👏

​📞 సతీమణికి ఫోన్... నూనె కొనుగోలులో సీఎం సింప్లిసిటీ!

ఈ పర్యటనలో ఒక ఆసక్తికరమైన, సరదా సంఘటన చోటు చేసుకుంది! నాగభూషణం నిర్వహిస్తున్న 'గానుగ'ను (Cold-pressed Oil Mill) పరిశీలించిన సీఎం... స్వచ్ఛమైన వేరుశనగ నూనె తయారుచేసే విధానాన్ని మెచ్చుకున్నారు. ఆ నూనెను వాడాల్సిందిగా రైతు కోరడంతో... వెంటనే సీఎం స్పందిస్తూ "ఇంట్లోకి ఏ వస్తువు కొనాలన్నా నా భార్యను అడగాల్సిందే" అంటూ తన సతీమణి భువనేశ్వరి గారికి అక్కడి నుంచే ఫోన్ చేసి మాట్లాడారు! ఆమె అనుమతితో ఒక లీటరు స్వచ్ఛమైన కోల్డ్-ప్రెస్డ్ నూనెను కొనుగోలు చేసి అందరి మనసులు గెలుచుకున్నారు. ఒక రాష్ట్ర ముఖ్యమంత్రి ఇంత సామాన్యుడిలా వ్యవహరించడం అక్కడి వారిని ఆశ్చర్యానికి గురిచేసింది. 🥜❤

​🐄 గో ఆధారిత కేంద్రం... పల్లె ఆర్థిక వ్యవస్థకు ప్రాణం!

అనంతరం గో ఆధారిత ప్రకృతి వ్యవసాయ వనరుల కేంద్రాన్ని సీఎం సందర్శించారు. చుట్టుపక్కల దొరికే వనరులతోనే జీవామృతం, ఘన జీవామృతం, వేపాస్త్రం ఎలా తయారు చేస్తున్నారో అడిగి తెలుసుకున్నారు. గానుగలు, గో ఆధారిత ఉత్పత్తుల వంటి సంప్రదాయ ఆధారిత పరిశ్రమల ద్వారా గ్రామీణ ఆర్థిక వ్యవస్థ బలోపేతం అవుతుందని, ప్రతి పల్లె స్వయంసమృద్ధి సాధించాలని సీఎం ఆకాంక్షించారు. 🌿

​🥭 బొప్పాయి రుచి చూసిన సీఎం... జీవవైవిధ్యానికి పెద్దపీట!

పొలంలో అంతరపంటల సాగుతో పాటు బొప్పాయి తోటను పరిశీలించిన చంద్రబాబు గారు... రైతు స్వయంగా కోసి ఇచ్చిన ప్రకృతి బొప్పాయి పండును ఎంతో ఇష్టంగా తిని ఆస్వాదించారు. ఒకే పొలంలో వివిధ రకాల పంటలు సాగు చేయడం (జీవ వైవిధ్యం) వల్ల చీడపీడలు మాయం కావడమే కాకుండా, భూమికి తేమను నిలుపుకునే శక్తి పెరుగుతుందని ఈ సందర్భంగా రైతు వివరించారు. 🌳✨

​📢 మన చిలకలూరిపేట స్పీడ్ న్యూస్ విశ్లేషణ:

"ఆరోగ్యమే మహాభాగ్యం... రసాయనాల్లేని ఆహారమే దానికి మూలం" అని ఈ పర్యటన ద్వారా సీఎం చంద్రబాబు స్పష్టమైన సందేశం ఇచ్చారు. మన చిలకలూరిపేట ప్రాంత రైతు నాగభూషణం ముఖ్యమంత్రి స్థాయిలో గుర్తింపు పొందడం, ఆయన సాగు విధానం రాష్ట్రానికి మోడల్ గా నిలవడం మనందరికీ గర్వకారణం! 🌟

Share:

Read More