చిలకలూరిపేట - మే 29న చిలకలూరిపేటలో మహా వైద్య సునామీ..పార్టీలకతీతంగా పేదలకు ప్రాణం పోస్తున్న మాజీ మంత్రి! - కంచర్ల శ్రీనివాసరావు
మే 29న మాజీ మంత్రి ప్రత్తిపాటి పుల్లారావు జన్మదినం సందర్భంగా మెగా ఉచిత వైద్య శిబిరం
చిలకలూరిపేట (స్పీడ్ న్యూస్): "పేదవాడికి కార్పొరేట్ స్థాయి వైద్యం అందాలి.. నియోజకవర్గంలో ఏ ఒక్కరూ అనారోగ్యంతో బాధపడకూడదు" అనే ఏకైక లక్ష్యంతో గత మూడు దశాబ్దాలుగా చిలకలూరిపేట ప్రజలకు నిరంతర సేవలు అందిస్తున్న గొప్ప నాయకుడు మాజీ మంత్రివర్యులు శ్రీ ప్రత్తిపాటి పుల్లారావు అని TNTUC ఉపాధ్యక్షులు కంచల శ్రీనివాసరావు కొనియాడారు. స్పీడ్ న్యూస్ మీడియా మిత్రులకు ప్రత్యేక ధన్యవాదాలు తెలుపుతూ, ఆయన ప్రత్తిపాటి ఫౌండేషన్ చేస్తున్న అద్భుతమైన సేవా కార్యక్రమాలను వివరించారు.
🏥 పేదలకు కార్పొరేట్ వైద్యం.. ప్రత్తిపాటి ఫౌండేషన్ లక్ష్యం 🏥
రాజకీయాల్లోకి వచ్చిన మొదటి రోజు నుండి నేటి వరకు, సొంత నిధులతో ప్రజలకు అండగా నిలుస్తున్న నాయకుడు ప్రత్తిపాటి పుల్లారావు. పేదవారికి గుండె ఆపరేషన్లు, కంటి ఆపరేషన్లు ఉచితంగా చేయించేందుకు కిమ్స్, లలిత, బరోడా, గ్లోబల్ వంటి బహుళజాతి కార్పొరేట్ ఆసుపత్రులను చిలకలూరిపేట ప్రజలకు చేరువ చేసిన ఘనత ఆయనకే దక్కుతుంది. రాష్ట్రంలోని 175 నియోజకవర్గాల్లో ఏ నాయకుడు చేయని విధంగా సొంత ఖర్చుతో ఈ బృహత్తర కార్యక్రమాలను ఆయన అమలు చేస్తున్నారు.
👁️ 'నేత్రదాత సుఖీభవ.. ప్రత్తిపాటి విజయీభవ' 👁️
చిలకలూరిపేట నియోజకవర్గంలోని 56 గ్రామాలు, పట్టణ ప్రజలకు 'ప్రత్తిపాటి ఫౌండేషన్' అంటే ఒక భరోసా! ముఖ్యంగా కంటి సమస్యలు, శుక్లాలు, రెటీనా ప్రాబ్లమ్స్ తో బాధపడుతున్న వారి పాలిట ఈ ఫౌండేషన్ ఆపద్బాంధవిలా మారింది.
- 👁️ ఇప్పటివరకు సుమారు లక్ష మందికి పైగా ఉచిత కంటి పరీక్షలు!
- 👁️ 50 వేల మందికి పైగా విజయవంతమైన కంటి ఆపరేషన్లు!
- 🚌 రోగులను చెన్నైలోని ప్రపంచ ప్రఖ్యాత 'శంకర నేత్రాలయ'కు ఉచితంగా తీసుకెళ్లి, కార్పొరేట్ వైద్యం, ఉచిత మందులు, ఉచిత భోజన వసతి కల్పించి, ఆపరేషన్ అనంతరం క్షేమంగా తిరిగి ఇంటికి చేర్చడం ప్రత్తిపాటి ఫౌండేషన్ కే సాధ్యమైంది.
🤝 రాజకీయాలకు అతీతంగా.. సేవే పరమావధిగా.. 🤝
"ప్రత్తిపాటి ఫౌండేషన్ కు రాజకీయాలతో సంబంధం లేదు. ఇక్కడ పార్టీలు, కులాలు, మతాలు చూడరు.. కేవలం పేదరికం, అనారోగ్యం మాత్రమే చూస్తారు" అని శ్రీనివాసరావు స్పష్టం చేశారు. ఆధ్యాత్మిక, సేవా, వినోద కార్యక్రమాల ద్వారా (కార్తీక దీపోత్సవాలు, శివ పూజలు తదితర) ప్రజల మన్ననలు పొందారు. ఇలాంటి నాయకుడు చిలకలూరిపేట ప్రజలకు దొరకడం అదృష్టమని, రాబోయే రోజుల్లో కూడా ఆయనను ప్రజలు ఆశీర్వదించాలని కోరారు.
🎉 మే 29న పండుగలా ప్రత్తిపాటి జన్మదిన వేడుకలు - మెగా కంటి వైద్య శిబిరం 🎉
ప్రత్తిపాటి పుల్లారావు గారి జన్మదినాన్ని పురస్కరించుకుని ఈ నెల మే 29వ తేదీన చిలకలూరిపేటలోని ప్రత్తిపాటి గార్డెన్స్ లో "భారీ ఉచిత కంటి వైద్య శిబిరం" నిర్వహించనున్నారు. గతంలో ఒక్కో క్యాంపుకు 10 వేల నుంచి 13 వేల మంది హాజరైన రికార్డులు ఉన్నాయి. ఈసారి కూడా నియోజకవర్గ ప్రజలు ఈ సదవకాశాన్ని వినియోగించుకోవాలని నాయకులు పిలుపునిచ్చారు.
👥 పాల్గొన్న ప్రముఖులు:
ఈ పత్రికా సమావేశంలో TNTUC ఉపాధ్యక్షులు కంచల శ్రీనివాసరావు గారితో పాటు, పల్నాడు జిల్లా TNTUC సెక్రెటరీ అద్దంకి ప్రసాద్, ఆర్టీసీ రిటైర్డ్ ఉద్యోగులు, స్థానిక నాయకులు పావులూరు రమేష్ బాబు, థామస్, ఆర్. రమేష్ బాబు, టి. వెంకటేశ్వర్లు, ఎం. రమేష్, కాసింబుడే తదితరులు పెద్ద ఎత్తున పాల్గొన్నారు.
చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్
మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.
No comments:
Post a Comment