చిలకలూరిపేట - తిరుమల వెళ్లేదారిలో చిలకలూరిపేటలో వాసుల రోడ్డు యాక్సిడెంట్ ఒకరి మృతి.... ఘటనకు సంబంధించి వారు ఏమన్నారంటే....
పల్నాడు జిల్లా చిలకలూరిపేట నుండి శ్రీవారి దర్శనార్థం ఎంతో భక్తిశ్రద్ధలతో తిరుమల బయలుదేరిన భక్తులకు మార్గమధ్యలో ఊహించని ఘోర ప్రమాదం ఎదురైంది. దైవ దర్శనానికి వెళ్తున్నామన్న ఆనందం ఆ కుటుంబాల్లో ఎక్కువసేపు నిలవలేదు. తిరుపతి జిల్లా తొట్టంబేడు మండలం కన్నలి హైవేపై తెల్లవారుజామున వీరు ప్రయాణిస్తున్న తూఫాన్ వాహనం.. ముందు వెళ్తున్న లారీని బలంగా ఢీకొట్టింది. ఈ హృదయ విదారక ఘటనలో సుబ్రహ్మణ్యం అనే వ్యక్తి అక్కడికక్కడే స్పాట్ డెడ్ అవ్వగా, మరో ఏడుగురికి తీవ్ర గాయాలయ్యాయి.
🛣️ అసలు ఏంజరిగింది? నిద్రమత్తే ప్రాణం తీసిందా?
తెల్లవారుజామున అందరూ గాఢ నిద్రలో ఉన్న సమయం.. ఒక్కసారిగా భారీ శబ్దం. కళ్ళు తెరిచి చూసేలోపే ఘోరం జరిగిపోయింది! వాహనంలో డ్రైవర్ తో కలిపి మొత్తం 10 మంది ఉండగా.. ఈ ప్రమాదం ఎలా జరిగిందనే దానిపై రెండు వాదనలు వినిపిస్తున్నాయి. ముందు వెళ్తున్న లారీ డ్రైవర్ సడన్ గా బ్రేక్ వేయడం వల్లే తాము ఢీకొట్టామని తూఫాన్ డ్రైవర్ చెబుతుండగా.. "మా డ్రైవర్ నిద్రమత్తులో తూలి లారీని వెనుక నుండి గుద్ది ఉంటాడని" బాధితులు అనుమానం వ్యక్తం చేస్తున్నారు.
😨 భయానక క్షణాలు.. బాధితుడు రాఘవేంద్ర మాటల్లో..
ఈ ప్రమాదం నుంచి సురక్షితంగా బయటపడిన చిలకలూరిపేటకు చెందిన బాధితుడు రాఘవేంద్ర ఆ భయానక క్షణాలను స్పీడ్ న్యూస్ తో పంచుకున్నారు. "మేమంతా నిద్రలో ఉన్నాం.. ఏం జరిగిందో కూడా తెలియదు. లారీని గుద్దుకున్న తర్వాతే మాకందరికీ మెలకువ వచ్చింది. నాన్న, నేను, నా తమ్ముడు మాత్రమే ప్రస్తుతం నడవగలుగుతున్నాం. మిగతా వాళ్లందరికీ దారుణంగా దెబ్బలు తగిలాయి.. ఎక్స్-రేలు, స్కానింగ్ లు తీయాల్సి ఉంది" అంటూ ఆందోళన వ్యక్తం చేశారు.
🚑 సొంతూరు చిలకలూరిపేటకే క్షతగాత్రులు..
ప్రమాదం జరిగిన వెంటనే స్పందించిన స్థానికులు, క్షతగాత్రులను హుటాహుటిన శ్రీకాళహస్తి ఏరియా ఆసుపత్రికి తరలించారు. అక్కడ ఫస్ట్ ఎయిడ్ (ప్రథమ చికిత్స) అందించిన వైద్యులు, మెరుగైన వైద్యం కోసం తిరుపతికి వెళ్లాలని సూచించారు. అయితే, తీవ్రంగా గాయపడిన డ్రైవర్ ను మాత్రమే తిరుపతికి పంపించి, మిగిలిన బాధితులు అక్కడినుండి ప్రైవేట్ అంబులెన్స్ మాట్లాడుకుని డైరెక్ట్ గా మన చిలకలూరిపేటకే చేరుకున్నారు. ప్రస్తుతం వీరికి ఇక్కడే చికిత్స కొనసాగుతోంది.
దానికి సంబందించిన వీడియో కోసం క్రింది లింక్ పైన క్లిక్ చెయ్యండి.
https://www.instagram.com/reel/DaSVyz3STBx/?igsh=d2czOWdsZzFtOXB0
No comments:
Post a Comment