చిలకలూరిపేట బ్రాండ్ ఇమేజ్ను మసకబారుస్తు...స్వాతంత్ర్య సమరయోధులకు ఘోర అవమానం!
ఇది మన పట్టణానికి గర్వకారణమా..? లేక తీరని అవమానమా..? 🚨
ఒకప్పుడు స్వాతంత్ర్యం కోసం ప్రాణాలర్పించిన మహానుభావులకు... నేడు మన చిలకలూరిపేట నడిబొడ్డున దక్కుతున్న గౌరవం చూస్తే కన్నీళ్లు ఆగవు. గ్రేడ్-1 మున్సిపాలిటీగా వెలుగొందుతున్న మన పట్టణంలో జాతిపిత మహాత్మా గాంధీ గారితో పాటు ఇతర స్వాతంత్ర్య సమరయోధుల విగ్రహాలు నేడు దీనస్థితిలో దర్శనమిస్తున్నాయి.
🛑 గడియార స్తంభం సెంటర్లో జాతిపితకు ఘోర అవమానం!
పట్టణానికే తలమానికంగా ఉండే గడియార స్తంభం (గరియాస్తంభం) మెయిన్ రోడ్లో కొలువైన మహాత్మా గాంధీ విగ్రహం నేడు పూర్తిగా శిథిలావస్థకు చేరుకుంది. విగ్రహం కింది భాగం పగిలిపోయి, కనీస నిర్వహణ లేక, అధికారుల నిర్లక్ష్యానికి నిలువెత్తు నిదర్శనంగా మారింది. దేశానికి స్వేచ్ఛను ప్రసాదించిన ఆ మహానుభావుడికి మనం ఇస్తున్న బహుమతి ఇదేనా?
💔 ఫోటోలకే పరిమితమైన నాయకుల దేశభక్తి!
జాతీయ పండుగలు రాగానే నాయకులు ఉరుకులు పరుగులు పెట్టుకుంటూ వచ్చి, పూలమాలలు వేసి ఫోటోలకు ఫోజులివ్వడం మాత్రమే గౌరవం కాదు. ఆ విగ్రహాలను, వారి ఆశయాలను కాపాడుకోవడం కూడా మన బాధ్యతే! నాడు ఆ నాయకులు బ్రిటిష్ వారి రాక్షస పాలనపై సాయుధ పోరాటం చేసి, తమ రక్తాన్ని ధారబోసి స్వాతంత్ర్యం తెస్తేనే... నేడు మనం ప్రజాస్వామ్యంలో స్వేచ్ఛగా, ప్రశాంతంగా బతుకుతున్నాం. ఈ రోజు మనం ఆ మహనీయులను గౌరవిస్తేనే... రేపు భవిష్యత్తులో మిమ్మల్ని జనం గౌరవిస్తారు అన్న సత్యాన్ని నేటి నాయకులు మర్చిపోకూడదు.
📉 మసకబారుతున్న 'చిలకలూరిపేట' బ్రాండ్ ఇమేజ్!
పొరుగున ఉన్న గుంటూరు, విజయవాడ, నరసరావుపేట లాంటి ప్రాంతాల్లో స్వాతంత్ర్య సమరయోధుల విగ్రహాలకు ఎంతో అద్భుతమైన గౌరవం లభిస్తోంది. కానీ వ్యాపార కూడలిగా, నిత్యం వేలాది మంది ఇతర ప్రాంతాల ప్రయాణికులతో రద్దీగా ఉండే మన చిలకలూరిపేట మెయిన్ సెంటర్లో విగ్రహాల పరిస్థితి చూస్తే సిగ్గుతో తలదించుకోవాల్సి వస్తోంది. ఈ దుస్థితిని చూసి బయటివారు ఏమనుకుంటారు? మన చిలకలూరిపేట గ్రాఫ్, పరువు బజారున పడటం కాదా ఇది?
⚠️ అధికారులకు, ప్రజాప్రతినిధులకు ప్రజల డిమాండ్!
మేము ఎన్నో రకాల పన్నులు కడుతూ మున్సిపాలిటీ అభివృద్ధికి సహకరిస్తున్నాం. కానీ పన్నులు వసూలు చేయడంపై ఉన్న శ్రద్ధ, పట్టణ ప్రతిష్టను కాపాడే విగ్రహాల నిర్వహణపై ఎందుకు లేదు? జిల్లా కలెక్టర్, మున్సిపల్ అధికారులు మరియు స్థానిక ప్రజాప్రతినిధులు వెంటనే నిద్రలేవాలి. శిథిలావస్థకు చేరుకున్న విగ్రహాలకు తక్షణమే మరమ్మతులు చేయించాలి లేదా వాటి స్థానంలో అదే రాజసంతో కూడిన కొత్త విగ్రహాలను సగౌరవంగా ఏర్పాటు చేయాలి.
📢 చిలకలూరిపేట ప్రజలారా... స్పందించండి!
ఈ వార్త ప్రతి అధికారి మొబైల్ కు చేరాలి. ఏ ఒక్కరూ చూసి వదిలేయకండి. మన తాత ముత్తాతల కష్టాన్ని, స్వాతంత్ర్య సమరయోధుల త్యాగాన్ని గౌరవించుకుందాం.
చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్
మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.
good qsosen
ReplyDelete