చిలకలూరిపేట.. ప్రభుత్వ విద్యను గాలికొదిలేస్తే ఊరుకోం: చిలకలూరిపేట నుంచి ప్రభుత్వానికి ఏఐఎస్ఎఫ్ అల్టిమేటం!
రెండేళ్ల కూటమి పాలనలో విద్యార్థులకు ఒరిగిందేమీ లేదు: ఏఐఎస్ఎఫ్ ఫైర్! 🚨
📍 చిలకలూరిపేట: కర్నూలులో జులై 1 నుంచి 4 వరకు జరగనున్న 'ఏఐఎస్ఎఫ్ రాష్ట్రస్థాయి విద్యా, వైజ్ఞానిక, రాజకీయ శిక్షణా తరగతుల' వాల్ పోస్టర్లను చిలకలూరిపేట మల్లయ్య లింగం భవన్ లో ఘనంగా విడుదల చేశారు. ఈ సందర్భంగా ఏఐఎస్ఎఫ్ రాష్ట్ర ప్రధాన కార్యదర్శి బందెల నాసర్ జీ కూటమి ప్రభుత్వ విద్యా విధానాలపై నిప్పులు చెరిగారు.
❌ జీవో నెంబర్ 77 రద్దు ఏదీ మంత్రి గారూ?
పీజీ విద్యార్థులకు శాపంగా మారిన జీవో 77ను వంద రోజుల్లో రద్దు చేస్తామని హామీ ఇచ్చిన నారా లోకేష్.. రెండేళ్లయినా దాన్ని పట్టించుకోకపోవడం దారుణమన్నారు. కేవలం ప్రకటనలకే పరిమితం కాకుండా, విద్యార్థులకు ఇచ్చిన హామీలను నెరవేర్చాలని డిమాండ్ చేశారు.
🏫 శిథిలావస్థలో బడులు.. కార్పొరేట్ కు దన్నులు!
ప్రభుత్వ పాఠశాలల్లో పెచ్చులు ఊడి విద్యార్థుల తలలు పగులుతున్నా ప్రభుత్వం నిధులు విడుదల చేయడం లేదని ఆగ్రహం వ్యక్తం చేశారు. ఫీజుల నియంత్రణ చట్టాన్ని గాలికి వదిలేసి, ప్రైవేట్, కార్పొరేట్ విద్యాసంస్థలను ప్రభుత్వం యథేచ్ఛగా ప్రోత్సహిస్తోందని మండిపడ్డారు.
🩺 నీట్ లీకేజీపై ఎందుకు సైలెంట్?
దేశవ్యాప్తంగా నీట్ పరీక్ష పేపర్ లీకై లక్షలాది మంది పేద, మధ్యతరగతి విద్యార్థుల కలలు కలవరపడుతుంటే.. రాష్ట్ర విద్యాశాఖ మంత్రి కనీసం నోరు విప్పకపోవడం దారుణమన్నారు. ఇక రాష్ట్రంలో హైస్కూల్ ప్లస్ (ఇంటర్) విధానం అర్హత లేని అధ్యాపకులతో దయనీయంగా మారిందని, పాస్ శాతం 55% దాటడం లేదని ఆవేదన వ్యక్తం చేశారు.
✊ సమరశంఖానికి సిద్ధం!
జులై 1 నుంచి 4వ తేదీ వరకు కర్నూలులో జరిగే రాష్ట్ర శిక్షణా తరగతులలో.. ప్రభుత్వ విద్యా వ్యతిరేక విధానాలపై చర్చించి, రాష్ట్రవ్యాప్త పోరాటాలకు శ్రీకారం చుడతామని ప్రభుత్వాన్ని హెచ్చరించారు. ఈ కార్యక్రమంలో ఏఐఎస్ఎఫ్ జిల్లా అధ్యక్షులు నాగేశ్వరరావు, యశ్వంత్, శ్రీనివాస్, హేమంత్, హర్ష, చరణ్ తదితరులు పాల్గొన్నారు.
చిలకలూరిపేట కరెంటు వినియోగదారులుకు సోలార్ బిగించుకోవడం వల్ల మీ కరెంటు బిల్లు " 0 "చేసుకోవచ్చు మరిన్ని వివరాలు కోసం కింది నెంబర్ కి కాల్ చేయండి - +91 70135 89826 - ఆదిత్య సోలార్
మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి. వాట్సప్ ఛానల్ ని ఫాలో అవ్వండి.
No comments:
Post a Comment