చిలకలూరిపేట అభివృద్ధిపై 'ప్రత్తిపాటి' మార్క్ - పార్కులు, స్టేడియం, ఆధునిక శ్మశానవాటికల నిర్మాణానికి ప్రత్తిపాటి మాస్టర్ ప్లాన్.... మారనున్న చిలకలూరిపేట రూపురేఖలు... పూర్తి వివరాల కోసం...
చిలకలూరిపేట అభివృద్ధిపై శాసనసభ్యులు ప్రత్తిపాటి పుల్లారావు తనదైన శైలిలో దూసుకుపోతున్నారు. "ప్రజలు అడిగారు.. మనం చేసేశాం.. పని అయిపోయింది" అని సరిపెట్టుకోకుండా, ఆ పనుల వల్ల ప్రజల కష్టాలు తీరాయా? వారి సంతృప్తి స్థాయి పెరిగిందా? అన్నదే అసలైన గీటురాయి అని యంత్రాంగానికి దిశానిర్దేశం చేశారు. ఆదివారం ఉదయం నియోజకవర్గంలో జరుగుతున్న వివిధ అభివృద్ధి పనులను ఆయన స్వయంగా పర్యవేక్షించి, మున్సిపల్ అధికారులతో కీలక సమీక్ష నిర్వహించారు. క్షేత్రస్థాయి పరిశీలన తర్వాతే పనులకు శ్రీకారం చుట్టాలని అధికారులకు తేల్చి చెప్పారు.
మార్కెట్ పనుల్లో వేగం.. నాణ్యతలో రాజీ లేదు! 🐟🥩
కొత్తగా నిర్మిస్తున్న చేపల మార్కెట్ పనులను పరిశీలించిన ఆయన, కాంట్రాక్టర్కు స్పష్టమైన హెచ్చరికలు జారీ చేశారు. నాణ్యతలో ఏమాత్రం తేడా వచ్చినా కఠిన చర్యలు తప్పవన్నారు. మార్కెట్ నిర్మాణం పూర్తయ్యాక, దుకాణాలు కేటాయించిన తర్వాత రోడ్లపై ఎక్కడా మాంసం విక్రయాలు జరగకూడదని, ట్రాఫిక్కు, ప్రజలకు ఎలాంటి ఇబ్బందులు కలగకూడదని స్పష్టం చేశారు.
ఆక్రమణల తొలగింపు.. స్థానికులకే ఉపాధి! 🚜🏢
కళా మందిర్ కూడలిలో ఆక్రమణల బెడదపై వచ్చిన ఫిర్యాదులపై ప్రత్తిపాటి తక్షణమే స్పందించారు. వెంటనే ఆక్రమణలు తొలగించి, ఆ స్థానంలో మున్సిపాలిటీ ఆధ్వర్యంలో కొత్త దుకాణ సముదాయాలను నిర్మించాలని ఆదేశించారు. ఆ దుకాణాలను స్థానిక చిరువ్యాపారులకే కేటాయించి, వారు సజావుగా వ్యాపారాలు చేసుకునేలా ఉపాధికి భరోసా కల్పించాలన్నారు.
ఏలూరు డొంక వద్ద సరికొత్త ఆహ్లాదం.. వాటర్ ట్యాంక్ వద్ద పార్క్! 🌳🎠
ఏలూరు డొంక వాటర్ ట్యాంక్ ప్రాంతాన్ని సందర్శించిన ఎమ్మెల్యే.. అక్కడ ఉన్న పిచ్చిమొక్కలు, కంపచెట్లను తక్షణమే శుభ్రం చేయాలని ఆదేశించారు. ఆ ప్రాంగణాన్ని పట్టణవాసుల కోసం ఒక అందమైన పార్కుగా, వాకింగ్ ట్రాక్గా తీర్చిదిద్దాలని సూచించారు. పిల్లల కోసం క్రీడా సామగ్రి ఏర్పాటు చేయడంతో పాటు, రాత్రివేళల్లో మందుబాబులు, ఆకతాయిల బెడద లేకుండా వాటర్ ట్యాంక్ పరిసరాల్లో పోలీసు నిఘా పెంచాలని కోరారు.
సకల హంగులతో స్వర్గపురి తరహాలో శ్మశానవాటికల ఆధునికీకరణ 🕊️✨
పట్టణంలోని మూడు ప్రధాన మతాల శ్మశానవాటికల అభివృద్ధిపై ప్రత్యేక దృష్టి సారించారు. గత ప్రభుత్వ హయాంలోని 'స్వర్గపురి' తరహాలో వీటిని ఆధునికీకరించాలని నిర్ణయించారు. తెనాలి, గుంటూరు, విజయవాడ నగరాలను కేస్ స్టడీగా తీసుకుని, మన చిలకలూరిపేటలోనూ మినీ ఉద్యానవనాలను తలపించేలా అధునాతన బరియల్ గ్రౌండ్స్ ను అభివృద్ధి చేయాలని అధికారులకు సూచించారు.
క్రీడాకారులకు పండుగ.. మినీ స్టేడియం & ఆడిటోరియం నిర్మాణం! 🏟️🏃♂️
యువతను, కళలను ప్రోత్సహించే దిశగా అడుగులు పడుతున్నాయి. 52 ఎకరాల టిడ్కో ఇళ్ల సముదాయం సమీపంలోని 12 ఎకరాల ప్రభుత్వ భూమిలో 5 ఎకరాలను కేవలం మినీ స్టేడియం నిర్మాణం కోసం కేటాయించారు. అలాగే భవిష్యత్తులో ఓ అత్యాధునిక ఆడిటోరియం నిర్మాణానికి కూడా ప్రణాళికలు సిద్ధం చేయాలని, వీటికి అవసరమైన నిధులను ప్రభుత్వం నుంచి తీసుకొచ్చేలా మున్సిపల్ కమిషనర్ ప్రత్యేక చొరవ చూపాలని ఆదేశించారు.
తెలుగు తేజం ఉట్టిపడేలా స్వాగత ద్వారాలు ⛩️💛
పట్టణ ప్రధాన మార్గాలు, కూడళ్లలో ఎన్టీఆర్, చంద్రబాబు నాయుడు, నారా లోకేశ్ పేర్లతో.. తెలుగు సంస్కృతీ సంప్రదాయాలు ఉట్టిపడేలా భారీ స్వాగత ద్వారాలు నిర్మించేందుకు డిజైన్లు రూపొందించాలని అధికారులకు సూచించారు.
చెరువుల సుందరీకరణ.. క్లీన్ & గ్రీన్ చిలకలూరిపేట! 💧🌿
కెల్లంపల్లి వారి చెరువు, అలాగే ఏలూరు డొంక - మానుకొండవారి పాలెం మార్గంలో డంప్ యార్డ్ పక్కనున్న పెద్ద చెరువు కట్టలను పటిష్టం చేసి, వాటిపై వాకింగ్ ట్రాక్లు నిర్మించాలన్నారు. రోడ్లపై ఎక్కడా మురుగునీరు, బురద కనిపించకూడదని.. ఓపెన్ డ్రైన్ల వ్యవస్థకు స్వస్తి పలకాలని స్పష్టం చేశారు. 'స్వచ్ఛాంధ్ర-స్వర్ణాంధ్ర' లక్ష్యసాధనలో చిలకలూరిపేట రాష్ట్రంలోనే నంబర్ వన్ గా నిలవాలన్నారు. రోడ్ల మధ్యలో పచ్చదనం పెంపొందించాలని, మొక్కలు పెంచే వ్యాపారులకు ప్రోత్సాహకాలు ఇవ్వాలన్నారు. ఇక మెయిన్ రోడ్డు నుంచి క్యాంపు కార్యాలయానికి వెళ్లే రోడ్డును ఎత్తు పెంచి, అవసరమైతే BOT పద్ధతిలో గుత్తేదారులకు అప్పగించి అభివృద్ధి చేయాలని సూచించారు.
పాల్గొన్న ముఖ్య నాయకులు, అధికారులు 🤝👥
ఈ విస్తృత పర్యటన, సమీక్షా సమావేశంలో టీడీపీ సమన్వయకర్త నెల్లూరి సదాశివరావు, మార్కెట్ యార్డ్ చైర్మన్ షేక్ కరిముల్లా, మున్సిపల్ మాజీ చైర్మన్ షేక్ రఫాని, మున్సిపల్ కమిషనర్ పతి శ్రీహరి, పట్టణ ప్రధాన కార్యదర్శి మద్దుమాల రవి, డీఈ అబ్దుల్ రహీమ్, మురకొండ మల్లిబాబు, బేరింగ్ మౌలాలి, అమరా రమాదేవి, అబ్దుల్లా తదితర టీడీపీ నాయకులు, సంబంధిత శాఖల అధికారులు పెద్ద ఎత్తున పాల్గొన్నారు.
No comments:
Post a Comment