చిలకలూరిపేట - ఆర్టీసీ బస్సులు ఎవరికోసం? ఆర్టీసీ సురక్షిత ప్రయాణం అంతా ఉత్తిదేనా?వృద్ధులు, రోగులు అని కూడా చూడని ఆర్టీసీ అమానుష తీరు. అసలేం జరిగిందో తెలుసుకోవడం కోసం క్రింది లింక్ పై క్లిక్ చేయండి..

​చిలకలూరిపేట - ఆర్టీసీ బస్సులు ఎవరికోసం? ఆర్టీసీ సురక్షిత ప్రయాణం అంతా ఉత్తిదేనా?వృద్ధులు, రోగులు అని కూడా చూడని ఆర్టీసీ అమానుష తీరు.

"ఆర్టీసీ ప్రయాణం... సురక్షితం, సుఖమయం" అంటూ బోర్డుల మీద రాసుకోవడానికి, గొప్పలు చెప్పుకోవడానికి బాగానే ఉంటుంది. కానీ క్షేత్రస్థాయిలో పరిస్థితులు చూస్తుంటే మాత్రం ఆర్టీసీ సిబ్బంది తీరు అత్యంత దారుణంగా ఉంటోంది. అభాగ్యులు, అనారోగ్యంతో ఉన్నవారు అనే కనీస కనికరం లేకుండా డ్రైవర్లు వ్యవహరిస్తున్న తీరు నేడు చిలకలూరిపేట వాసులకు తీవ్ర ఆగ్రహం తెప్పించింది.

​🚌 15 బస్సులు దాటిపోయినా... ఆగని 'మానవత్వం'

చిలకలూరిపేట - గుంటూరు మధ్య ఉన్న కాటూరి మెడికల్ కళాశాల (హాస్పిటల్) వద్ద వైద్యం కోసం ఎంతోమంది పేదలు, వృద్ధులు వెళ్తుంటారు. వైద్యం చేయించుకుని నీరసంగా, ఎండలో చిలకలూరిపేట తిరిగి రావడానికి బస్సుల కోసం నిరీక్షిస్తున్న రోగుల పట్ల ఆర్టీసీ సిబ్బంది కర్కశంగా ప్రవర్తించారు. జనాలు ఎక్కువగా ఉన్నారని ఒక బస్సు ఆపలేదంటే, వెనుక వస్తున్న బస్సు ఆగుతుందిలే అని సరిపెట్టుకోవచ్చు. కానీ సుమారు 15 పైగా పల్లె వెలుగు బస్సులు అక్కడున్న ప్రయాణికులను చూసి కూడా ఆపకుండా వెళ్ళిపోవడం ఎంతవరకు సమంజసం? కనీసం బస్సులో ఖాళీలు ఉన్నా కూడా ఆపకుండా వేగంగా దూసుకుపోవడం సిబ్బంది నిర్లక్ష్యానికి అద్దం పడుతోంది.

​🛑 'పల్లె వెలుగు' ఉన్నది ప్రతి స్టాప్‌లో ఆపడానికే కదా?

ఎక్స్‌ప్రెస్ బస్సులు, నాన్-స్టాప్ బస్సులు అయితే బైపాస్ మీదుగా వెళ్లిపోతాయి. కానీ పల్లె వెలుగు బస్సులు ఏర్పాటు చేసిందే ప్రతి స్టేజి వద్ద ప్రయాణికులను ఎక్కించుకోవడానికి. అలాంటిది హాస్పిటల్ లాంటి అత్యవసర స్టాప్ వద్ద బస్సులు ఆపకపోతే ఎలా? ఆర్టీసీకి ప్రత్యామ్నాయంగా సరైన రవాణా వ్యవస్థ లేకపోవడమే సిబ్బంది ఈ తరహా ఇష్టారాజ్యంగా వ్యవహరించడానికి కారణమని ప్రజలు వాపోతున్నారు. చిలకలూరిపేట డిపో ఒకటే కాదు చిలకలూరిపేట డిపో కి వచ్చే ఏ డిపో బస్సు అయినా సరే ఆపాలి అని కఠినమైన నిబంధనలను తీసుకొని రావాలి.

​🛺 ఆటోలను ఆశ్రయించాల్సిన దయనీయ స్థితి!

ఒకపక్క అనారోగ్యం... మరోపక్క జేబులో డబ్బులు లేని పరిస్థితి. హాస్పిటల్ కి వచ్చి వైద్యం చేయించుకున్న రోగులకు, గర్భిణీలకు బస్సు ప్రయాణం ఎంతో సురక్షితం. కానీ బస్సులు ఆపకపోవడంతో, గంటల తరబడి నిలబడలేక ప్రాణాలు అరచేతిలో పెట్టుకుని ప్రైవేట్ ఆటోలను ఆశ్రయించాల్సిన దుస్థితి దాపురించింది. సురక్షితమైన ఆర్టీసీని వదిలి ప్రమాదకరమైన ఆటో ప్రయాణాలు చేయాల్సి రావడం పట్ల రోగులు తీవ్ర నిరాశ వ్యక్తం చేస్తున్నారు.

​⚠️ ప్రయాణికుల సహనం నశిస్తే... దాడులు తప్పవు!

ప్రజల ఓపికకు కూడా ఒక హద్దు ఉంటుంది. గంటల తరబడి హాస్పిటల్ బయట పడిగాపులు కాస్తున్న రోగుల సహనం నశించి, రేపు ఏదైనా బస్సును అడ్డుకుని సిబ్బందిపై దాడికి దిగితే... "మా మీద దాడులు జరుగుతున్నాయి, మాకు రక్షణ కరువు అయింది" అని ఆర్టీసీ యాజమాన్యం గగ్గోలు పెట్టడంలో అర్థం లేదు. ప్రజల సహనాన్ని పరీక్షించకముందే ఆర్టీసీ అధికారులు మేల్కోవాలి. ప్రజా రవాణా అనే ముఖ్య ఉద్దేశానికి తూట్లు పొడవకుండా బాధ్యతగా వ్యవహరించాలి.

​📢 చిలకలూరిపేట ఆర్టీసీ డిపో మేనేజర్‌కు సూటి ప్రశ్న!

దీనిపై చిలకలూరిపేట ఆర్టీసీ అధికారులు తక్షణమే స్పందించాలి. అది చిలకలూరిపేట డిపో బస్సు అయినా, లేదా గుంటూరు, నర్సరావుపేట ఇతర ఏ డిపో బస్సు అయినా సరే... కచ్చితంగా కాటూరి హాస్పిటల్ వద్ద ఆపి రోగులను ఎక్కించుకుని వెళ్లేలా కఠిన ఆదేశాలు జారీ చేయాలి. ప్రతి ప్రయాణికుడిని సురక్షితంగా గమ్యానికి చేర్చినప్పుడే ఆర్టీసీకి మంచి పేరు వస్తుందని అధికారులు గుర్తుంచుకోవాలి.

Share:

Read More

చిలకలూరిపేటలో హై టెన్షన్.. పోలీసులకు, వైసీపీ శ్రేణులకు మధ్య తీవ్ర వాగ్వాదం! ఉద్రిక్తంగా మారిన వైసీపీ దీక్ష.. పోలీసుల అడ్డుకోలు.. భగ్గుమన్న కార్యకర్తలు!... పూర్తి వివరాలు కోసం క్రింది లింక్ పై క్లిక్ చేయండి...

చిలకలూరిపేటలో హై టెన్షన్.. పోలీసులకు, వైసీపీ శ్రేణులకు మధ్య తీవ్ర వాగ్వాదం! ఉద్రిక్తంగా మారిన వైసీపీ దీక్ష.. పోలీసుల అడ్డుకోలు.. భగ్గుమన్న కార్యకర్తలు!...

చిలకలూరిపేట స్పీడ్ న్యూస్: దీక్షా శిబిరం వద్ద తీవ్ర ఉద్రిక్తత! ⚡

​చిలకలూరిపేటలో వైఎస్సార్ కాంగ్రెస్ పార్టీ చేపట్టిన రిలే నిరాహార దీక్షా శిబిరం వద్ద ఒక్కసారిగా వాతావరణం వేడెక్కింది. ప్రశాంతంగా జరుగుతున్న దీక్షలో అనూహ్యంగా ఉద్రిక్త పరిస్థితులు నెలకొన్నాయి.

​🔴 వైసీపీ శ్రేణులకు, పోలీసులకు మధ్య తీవ్ర వాగ్వాదం 🔴

విద్యార్థులు, నిరుద్యోగ యువత సమస్యలపై గళమెత్తుతూ వైసీపీ ఆధ్వర్యంలో ఏర్పాటు చేసిన రిలే నిరాహార దీక్షా శిబిరం వద్ద పోలీసులు, వైసీపీ కార్యకర్తల మధ్య తీవ్ర వాగ్వాదం చోటుచేసుకుంది. ఇరువర్గాల మధ్య జరిగిన తోపులాటతో స్థానికంగా హై టెన్షన్ వాతావరణం ఏర్పడింది.

​🎤 మాజీ మంత్రి విడదల రజిని ప్రసంగం.. పోలీసుల అభ్యంతరం 🛑

దీక్షా శిబిరంలో మాజీ మంత్రి విడదల రజిని సభను ఉద్దేశించి మాట్లాడుతున్న సమయంలో, భద్రతా కారణాలు మరియు నిబంధనల దృష్ట్యా పోలీసులు ఆమె ప్రసంగాన్ని అడ్డుకునే ప్రయత్నం చేశారు. ఈ పరిణామంతో మాజీ మంత్రి రజిని తీవ్రంగా స్పందించారు. "మేము ఇక్కడ రాజకీయాల కోసం రాలేదు. కేవలం విద్యార్థులు, నిరుద్యోగుల భవిష్యత్తు కోసమే ఈ పోరాటం చేస్తున్నాం. యువతకు న్యాయం జరిగే వరకూ మా గొంతు ఆగదు" అని ఆమె పోలీసులకు తేల్చి చెప్పారు.

​🔌 మైక్ వైర్ల కత్తిరింపు.. తారాస్థాయికి చేరిన టెన్షన్ ⚡

పోలీసుల అభ్యంతరాల నడుమ కూడా విడదల రజిని తన ప్రసంగాన్ని కొనసాగించడంతో పరిస్థితి మరింత ఉద్రిక్తంగా మారింది. ఈ క్రమంలో పోలీసులు మైక్ సెట్‌కు అనుసంధానించిన వైర్లను కత్తిరించి, స్పీకర్లను స్వాధీనం చేసుకునే ప్రయత్నం చేశారు. దీంతో అక్కడే ఉన్న వైసీపీ నాయకులు, కార్యకర్తలు పోలీసులను అడ్డుకోవడంతో పరిస్థితి ఒక్కసారిగా అదుపుతప్పింది. ఇరువర్గాల మధ్య మాటల యుద్ధం పెరిగి, తీవ్ర స్థాయిలో వాగ్వాదం జరిగింది.

​✊ మార్మోగిన నినాదాలు.. భారీ బందోబస్తు 🔥

మైకులను పోలీసులు తీసుకెళ్లడంతో వైసీపీ శ్రేణులు తీవ్ర ఆగ్రహం వ్యక్తం చేశాయి. "ప్రజాస్వామ్యాన్ని కాపాడాలి", "ప్రజల గొంతు నొక్కే ప్రయత్నాలు ఆపాలి" అంటూ కార్యకర్తలు పెద్ద ఎత్తున నినాదాలు చేయడంతో దీక్షా ప్రాంగణం దద్దరిల్లింది. ప్రస్తుతం ఈ ఘటన చిలకలూరిపేటలో తీవ్ర చర్చనీయాంశంగా మారింది. పరిస్థితి అదుపు తప్పకుండా ఉండేందుకు ఉన్నతాధికారులు దీక్షా శిబిరం వద్ద భారీగా పోలీసులను మోహరించి బందోబస్తు ఏర్పాటు చేశారు.

 దానికి సంబంధించిన పూర్తి వీడియో కోసం క్రింది లింక్ పై క్లిక్ చేయండి..

https://www.instagram.com/reel/DbsleTJJ9bk/?igsh=MXQ2eDZsOTZvcmdnZg==

Share:

Read More

చిలకలూరిపేట వాసులకు గుడ్ న్యూస్!కోర్టు కేసులతో విసిగిపోయారా?రాజీ మార్గమే రాజమార్గం.. డోంట్ మిస్ దిస్ ఛాన్స్! న్యాయమూర్తుల ఆధ్వర్యంలో 'మీడియేషన్ వాక్' పూర్తి వివరాల కోసం క్రింది లింకు పై క్లిక్ చేయండి..

చిలకలూరిపేట వాసులకు గుడ్ న్యూస్!కోర్టు కేసులతో విసిగిపోయారా?రాజీ మార్గమే రాజమార్గం.. డోంట్ మిస్ దిస్ ఛాన్స్! న్యాయమూర్తుల ఆధ్వర్యంలో 'మీడియేషన్ వాక్' 

​కోర్టు కేసుల చుట్టూ తిరిగి విసిగిపోయారా? అయితే మీకో గుడ్ న్యూస్! రాజీ మార్గమే రాజమార్గం అంటూ మన చిలకలూరిపేటలో ఒక అద్భుతమైన కార్యక్రమం మొదలైంది.

​🚶‍♂️ ప్రజల కోసం న్యాయమూర్తుల 'మీడియేషన్ వాక్' 🚶‍♀️

పల్నాడు జిల్లా మన చిలకలూరిపేటలో న్యాయస్థానాలు ప్రజల ముంగిటకు వచ్చాయి. కోర్టు కేసులను సామరస్యంగా ఎలా పరిష్కరించుకోవచ్చో ప్రజల్లో అవగాహన కల్పించేందుకు ఏకంగా 1 కిలోమీటర్ మేర "మీడియేషన్ వాక్" (మధ్యవర్తిత్వ నడక) నిర్వహించారు. ఈ స్ఫూర్తిదాయకమైన కార్యక్రమంలో సివిల్ జడ్జి శ్రీ నరేందర్ రెడ్డి గారు, అడిషనల్ జూనియర్ సివిల్ జడ్జి శ్రీమతి D. దీపిక గారు ఉత్సాహంగా పాల్గొన్నారు.

​⚖️ 8 నుంచి 14 వరకు కోర్టుల్లో స్పెషల్ డ్రైవ్! 🗓️

ఆంధ్రప్రదేశ్ హైకోర్టు, ఏపీ మరియు జిల్లా లీగల్ సర్వీసెస్ అథారిటీల ఆదేశాల మేరకు... ఈ నెల 8వ తేదీ నుంచి 14వ తేదీ వరకు మన చిలకలూరిపేటలో ప్రత్యేక మధ్యవర్తిత్వ కార్యక్రమాలు జరగనున్నాయి. ఏళ్ల తరబడి పెండింగ్‌లో ఉన్న కేసులను ఫటాఫట్ తేల్చేయడానికి ప్రిన్సిపల్ జూనియర్ సివిల్ జడ్జి కోర్టులో, అలాగే అడిషనల్ జూనియర్ సివిల్ జడ్జి కోర్టులో ప్రత్యేక బెంచ్‌లను కూడా ఏర్పాటు చేశారు.

​🤝 రెడీగా ఉన్న నలుగురు ఎక్స్‌పర్ట్స్ (మధ్యవర్తులు) 👨‍⚖️

"మా కేసు సంగతేంటి? ఎవరు పరిష్కరిస్తారు?" అని టెన్షన్ పడకండి. కక్షిదారుల మధ్య రాజీ కుదిర్చి, కేసులను సత్వరమే పరిష్కరించేందుకు ప్రత్యేకంగా శిక్షణ పొందిన నలుగురు ఎక్స్‌పర్ట్ మధ్యవర్తులు (Mediators) ఈ వారం రోజుల పాటు పూర్తి స్థాయిలో అందుబాటులో ఉంటారు. ఇరు పక్షాలను కూర్చోబెట్టి, ఇద్దరికీ ఆమోదయోగ్యమైన పరిష్కారాన్ని వీరు చూపిస్తారు.

​✌️ అధికారుల పిలుపు: రాజీ పడదాం.. ప్రశాంతంగా ఉందాం! 🕊️

కోర్టుల చుట్టూ ఏళ్ల తరబడి తిరుగుతూ డబ్బు, సమయం, మనశ్శాంతి వృధా చేసుకోవడం కంటే... మధ్యవర్తిత్వం ద్వారా సమస్యలను శాంతియుతంగా పరిష్కరించుకోవడమే అందరికీ బెస్ట్ ఆప్షన్ అని అధికారులు సూచిస్తున్నారు. దీనివల్ల మీకు టెన్షన్ తప్పుతుంది, అటు కోర్టుల పైనా అనవసరపు భారం తగ్గుతుంది.

​📢 చిలకలూరిపేట వాసులకు అలర్ట్: మీకు గానీ, మీ తెలిసిన వారికి గానీ ఏవైనా సివిల్ లేదా రాజీ పడదగ్గ కేసులు పెండింగ్‌లో ఉంటే, ఈ నెల 8 నుంచి 14 వరకు జరిగే ఈ సువర్ణావకాశాన్ని అస్సలు మిస్ చేసుకోవద్దు! వెంటనే కోర్టు వారిని లేదా మీ లాయర్లను సంప్రదించి సంతోషంగా కేసులను క్లియర్ చేసుకోండి! 👍✨

 దీనికి సంబంధించిన వీడియో కోసం క్రింది లింక్ పై క్లిక్ చేయండి.

https://www.instagram.com/reel/Dbr6NlrJe5F/?igsh=bmN4czJ1dTFvOHl4

Share:

Read More

చిలకలూరిపేట మున్సిపల్ అధికారుల వింత..: సొంత ఖర్చుతో లైట్ వేస్తే తప్పుపట్టారు.. కరెంటు అడిగితే స్తంభం పీకేయమన్నారు!.. అసలేం జరిగిందో తెలుసుకోవడం కోసం కింది లింక్ పై క్లిక్ చేయండి.

చిలకలూరిపేట మున్సిపల్ అధికారుల వింత..: సొంత ఖర్చుతో లైట్ వేస్తే తప్పుపట్టారు.. కరెంటు అడిగితే స్తంభం పీకేయమన్నారు!.. 

మున్సిపల్ అధికారుల వింత పోకడ: వీధి దీపం వేస్తే... కరెంటు ఇవ్వం అంటున్న వైనం! 🚨

​చిలకలూరిపేటలో మున్సిపల్ అధికారుల తీరు ఏమాత్రం మారదా? పాలకుల మాటలను సైతం బేఖాతరు చేస్తారా? ప్రస్తుతం పట్టణంలోని మున్సిపల్ ఇంజనీరింగ్ విభాగం పనితీరు చూస్తుంటే అవుననే అనిపిస్తోంది. ప్రజా సమస్యలను గాలికి వదిలేసి, వింత వింత వాదనలతో ప్రజలను ఇబ్బందుల పాలు చేస్తున్న సిబ్బంది నిర్లక్ష్యంపై ఇప్పుడు సర్వత్రా విమర్శలు వెల్లువెత్తుతున్నాయి.

​💡 మంత్రి చెప్పినా... సిబ్బందికి లెక్కలేదా? 🤷‍♂️

చిలకలూరిపేట పట్టణంలోని మారుతీ నగర్ మొదటి లైన్ కు చెందిన స్థానికులు ఎప్పటి నుంచో వీధి దీపాల సమస్యతో చీకట్లో మగ్గుతున్నారు. ఈ సమస్యను సాక్షాత్తూ స్థానిక మంత్రి దృష్టికి తీసుకెళ్లగా, స్పందించిన ఆయన వెంటనే అక్కడ ఒక విద్యుత్ స్తంభాన్ని ఏర్పాటు చేయించారు. మంత్రిగారు చెప్పారు కదా అని సంతోషపడేలోపే అసలు కథ మొదలైంది! "స్తంభం మరీ ఎత్తుగా ఉంది బాబోయ్.. మేం ఎక్కి లైట్ వేయలేం" అంటూ మున్సిపల్ సిబ్బంది చేతులెత్తేశారు. సమస్య తీర్చాల్సిన వారే చేతకాదంటే ప్రజలు ఎవరికి చెప్పుకోవాలి?

​🛠️ సొంత ఖర్చుతో లైట్... అధికారుల నిర్లక్ష్యానికి చెంపపెట్టు! ⚡

చీకట్లో పడలేక, అధికారుల చుట్టూ తిరిగి విసిగిపోయిన ఒక స్థానికుడు తన జేబులోంచి డబ్బులు తీశాడు. సొంత ఖర్చులతో ఒక ప్రైవేట్ ఎలక్ట్రీషియన్‌ను పిలిపించి, ఆ స్తంభానికి సరిపోయే క్లాంప్‌ను ప్రత్యేకంగా తయారు చేయించి మరీ వీధి దీపాన్ని ఏర్పాటు చేసుకున్నాడు. "మా పనులు మేమే చేసుకుంటే ఇక మీరెందుకు?" అని ప్రశ్నించేలా ఆయన చేసిన ఈ పని.. మున్సిపల్ అధికారుల నిర్లక్ష్యానికి చెంపపెట్టు లాంటిది.

​🤦‍♂️ లైట్ కు కనెక్షన్ కావాలంటే.. స్తంభం పీకేయాలట! 🤦‍♂️

ఇక్కడే మున్సిపల్ ఎలక్ట్రికల్ విభాగం సిబ్బంది తమ "అద్భుతమైన" తెలివితేటలను ప్రదర్శించారు! ప్రజలే లైట్ వేసుకున్నారు కదా, కనీసం ఒక చిన్న కనెక్షన్ ఇచ్చి చేతులు దులుపుకుందాం అనుకోకుండా.. వింత వాదనకు తెరతీశారు. "మీరు పెట్టిన లైట్ కు విద్యుత్ కనెక్షన్ కావాలంటే... ముందు ఆ స్తంభాన్ని అక్కడి నుంచి తీసేయండి" అంటూ ఉచిత సలహా ఇస్తున్నారు. అసలు స్తంభం తీసేస్తే లైట్ తీసుకెళ్లి గాలిలో పెడతారా? ఇదేం లాజిక్ రా బాబూ అని స్థానికులు ముక్కున వేలేసుకుంటున్నారు.

​🛑 కమిషనర్ గారూ... కాస్త అటు చూడండి! 👁️‍🗨️

ప్రజా సమస్యల పరిష్కారంలో చిలకలూరిపేట మున్సిపల్ ఇంజనీరింగ్ విభాగం పనితీరు ఎంత దారుణంగా ఉందో చెప్పడానికి ఈ ఘటనే ప్రత్యక్ష సాక్ష్యం. ఇప్పటికైనా మున్సిపల్ కమిషనర్ గారు తక్షణమే స్పందించి, బాధ్యతారాహిత్యంగా, వింత వాదనలతో ప్రజలను వేధిస్తున్న సిబ్బందిపై కఠిన చర్యలు తీసుకోవాలని మారుతీ నగర్ వాసులు కోరుతున్నారు. అంతేకాకుండా, వెంటనే ఆ వీధి దీపానికి విద్యుత్ కనెక్షన్ ఇచ్చి తమ ప్రాంతంలో వెలుగులు పంచాలని తీవ్ర స్థాయిలో డిమాండ్ చేస్తున్నారు.

Share:

Read More

చిలకలూరిపేటలో రూరల్ లో విషాద ఛాయలు.. వేర్వేరు ఘటనల్లో ఇద్దరు ఆత్మహత్యలు..​కలచివేసిన రెండు ఘటనలు: ఉరికొయ్యకు విద్యార్థి.. ఎలుకల మందుకు ఇద్దరు పిల్లల తల్లి బలి! పూర్తి వివరాలు కోసం క్రింది లింకు పై క్లిక్ చేయండి..

చిలకలూరిపేటలో రూరల్ లో విషాద ఛాయలు.. వేర్వేరు ఘటనల్లో ఇద్దరు ఆత్మహత్యలు..​కలచివేసిన రెండు ఘటనలు: ఉరికొయ్యకు విద్యార్థి.. ఎలుకల మందుకు ఇద్దరు పిల్లల తల్లి బలి!

చిలకలూరిపేట నియోజకవర్గంలో తీవ్ర విషాదం.. వేరువేరు ఘటనల్లో ఇద్దరి ఆత్మహత్య 🚨

​చిలకలూరిపేట నియోజకవర్గ పరిధిలో మంగళవారం రెండు వేరువేరు ప్రాంతాల్లో జరిగిన ఆత్మహత్య ఘటనలు స్థానికంగా తీవ్ర విషాదాన్ని నింపాయి. చదువుల ఒత్తిడితో ఒకరు, అనారోగ్య సమస్యలతో మరొకరు బలవన్మరణానికి పాల్పడటం అందరినీ కలచివేసింది.

​💔 చదువుల ఒత్తిడికి బలైపోయిన ఇంటర్ విద్యార్థి.. కొండవీడులో విషాదం 💔

​చదువుల ఒత్తిడి మరో లేత ప్రాణాన్ని బలితీసుకుంది. ఎడ్లపాడు మండలం కొండవీడులో కన్నవారికి కడుపుకోత మిగిల్చే ఘటన చోటుచేసుకుంది. గుంటూరులోని నారాయణ జూనియర్ కళాశాలలో ఇంటర్మీడియట్ చదువుతున్న కట్టా ఇసాక్ వెస్లీ పాల్ (19) అనే విద్యార్థి ఉరివేసుకుని తనువు చాలించాడు. చదువులో తాను ఆశించిన స్థాయిలో మార్కులు, ఫలితాలు రాకపోవడంతో ఆ యువకుడు తీవ్ర మనస్తాపానికి గురయ్యాడు. భవిష్యత్తుపై బెంగతో క్షణికావేశంలో ఈ అఘాయిత్యానికి పాల్పడ్డాడు. చేతికి అందివచ్చిన కొడుకు విగతజీవిగా మారడంతో ఆ తల్లిదండ్రుల రోదనలు మిన్నంటాయి. మృతుడి తండ్రి ఫిర్యాదు మేరకు ఎడ్లపాడు పోలీసులు కేసు నమోదు చేసి, మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు. విద్యార్థి ఆత్మహత్యకు గల ఖచ్చితమైన కారణాలపై పోలీసులు అన్ని కోణాల్లో ముమ్మరంగా దర్యాప్తు కొనసాగిస్తున్నారు. 🚓

​😭 అనారోగ్యం తెచ్చిన కష్టం.. ఇద్దరు పసిపిల్లలను వదిలి తల్లి ఆత్మహత్య 😭

​చిలకలూరిపేట మండలం వేలూరులో మరో హృదయ విదారక ఘటన జరిగింది. అనారోగ్యంతో బాధపడుతూ జీవితంపై విరక్తి చెందిన ఓ వివాహిత బలవన్మరణానికి పాల్పడింది. గ్రామానికి చెందిన అలా పవన్ కుమార్ భార్య దివ్య సాయి (22) గత ఆరు నెలలుగా తీవ్ర అనారోగ్య సమస్యలతో బాధపడుతోంది. ఎంత వైద్యం చేయించినా నయం కాకపోవడం, చిన్న పనులకే నీరసించిపోతుండటంతో ఆమె శారీరకంగా, మానసికంగా తీవ్రంగా కుంగిపోయింది. ఈ క్రమంలో జులై 30వ తేదీన ఇంట్లో ఎవరూ లేని సమయంలో ఎలుకల మందు తాగింది.

​మరుసటి రోజు ఉదయం ఆమె తీవ్రంగా వాంతులు చేసుకుంటుండటాన్ని గమనించిన తండ్రి వంశీకృష్ణ.. మెరుగైన వైద్యం కోసం హుటాహుటిన గుంటూరు జీజీహెచ్‌కు తరలించారు. 🚑 అక్కడ ప్రాణాపాయ స్థితిలో ఐదు రోజుల పాటు పోరాడిన ఆమె, మంగళవారం (ఆగస్టు 4న) ఉదయం కన్నుమూసింది. మృతురాలికి ఇద్దరు చిన్నారి కుమార్తెలు ఉండటం, పసిపిల్లలు తల్లి లేని అనాధలు కావడం స్థానికులను కంటతడి పెట్టించింది. తండ్రి ఫిర్యాదు మేరకు రూరల్ ఎస్సై జి.అనిల్ కుమార్ కేసు నమోదు చేసి దర్యాప్తు చేపట్టారు. పోస్టుమార్టం అనంతరం మృతదేహాన్ని బంధువులకు అప్పగించారు.

​🤝 స్పీడ్ న్యూస్ విజ్ఞప్తి:

​ఆత్మహత్య దేనికీ పరిష్కారం కాదు. సమస్యలు, ఒత్తిడి వచ్చినప్పుడు మీ కుటుంబ సభ్యులతో లేదా స్నేహితులతో పంచుకోండి. మీరు ప్రాణాలు తీసుకుంటే మీపై ఆధారపడిన మీ కుటుంబం రోడ్డున పడుతుందని గుర్తుంచుకోండి. మానసిక ఒత్తిడి అనిపిస్తే వెంటనే 104 లేదా 100 కు కాల్ చేసి కౌన్సెలింగ్ పొందండి. 🙏

Share:

Read More

చిలకలూరిపేట బైపాస్‌పై భారీ స్కెచ్.. నట్లు ఊడదీశారు, రేపు బారియర్స్ ఎత్తేస్తారు... కొత్త బైపాస్ పైన దొంగల కన్ను! అసలేం జరిగింది తెలుసుకోవడం కోసం కింది లింక్ పై క్లిక్ చేయండి...

చిలకలూరిపేట బైపాస్‌పై భారీ స్కెచ్.. నట్లు ఊడదీశారు, రేపు బారియర్స్ ఎత్తేస్తారు... కొత్త బైపాస్ పైన దొంగల కన్ను! అసలేం జరిగింది తెలుసుకోవడం కోసం కింది లింక్ పై క్లిక్ చేయండి...

ఎంతో సుందరంగా, రవాణాకు ఎంతో సౌకర్యవంతంగా ముస్తాబైన మన చిలకలూరిపేట కొత్త బైపాస్ పైన ఇప్పుడు దొంగల కళ్లు కుట్టాయి. అద్భుతమైన నిర్మాణంతో మురిపిస్తున్న ఈ బైపాస్ పై, సామాన్యుల ప్రాణాలను కాపాడాల్సిన ప్రభుత్వ ఆస్తులను సైతం కేటుగాళ్లు వదిలిపెట్టడం లేదు.

​🚧 క్రాష్ బారియర్స్ ని కూడా వదలని కేటుగాళ్లు!

హైవేపై ఏదైనా ప్రమాదం జరిగినప్పుడు వాహనాలు అదుపుతప్పి కింద ఉన్న సర్వీస్ రోడ్డు మీదకు దూసుకురాకుండా అడ్డుకునే అత్యంత కీలకమైన ఇనుప కవచాలే ఈ 'క్రాష్ బారియర్స్'. లక్షల రూపాయల విలువ చేసే ఈ రక్షణ గోడలపై ఇప్పుడు దొంగలు కన్నేశారు. వాటికి ఉన్న నట్లు, బోల్ట్లను ముందుగానే పకడ్బందీగా తొలగించారు. ఒకేసారి ఇనుప రేకులను దొంగతనం చేస్తే దొరికిపోతామనే భయంతోనో ఏమో.. ఇలా విడతల వారీగా స్కెచ్ గీశారు. పరిస్థితులు చూస్తుంటే రేపో, ఎల్లుండో ఆ భారీ ఇనుప బారియర్స్ ని కూడా అమాంతం ఎత్తుకుపోయేలా ఉన్నారు.

​🚶‍♂️ అవాక్కవుతున్న వాకర్స్.. పొంచి ఉన్న పెను ప్రమాదం!

రోజూ ఉదయాన్నే బైపాస్ పై వాకింగ్ కి వెళ్లే పాదచారులు ఈ దొంగల బరితెగింపును చూసి అవాక్కవుతున్నారు. ఇంత చిన్న నట్లు, బోల్ట్లను కూడా వదలడం లేదంటే దొంగలు ఏ స్థాయికి దిగజారిపోయారో అర్థం చేసుకోవచ్చని ఆవేదన వ్యక్తం చేస్తున్నారు. ఒకవేళ ఈ బారియర్స్ ను దొంగలిస్తే.. హైవేపై జరిగే చిన్న ప్రమాదం కూడా సర్వీస్ రోడ్డుపై ప్రయాణించే వారి ప్రాణాలను బలితీసుకునేంత తీవ్రంగా మారుతుంది. ఇది నేరుగా ప్రజల ప్రాణాలతో చెలగాటమాడటమే!

​🚓 నైట్ పెట్రోలింగ్ పెంచాలి.. కఠిన చర్యలు తీసుకోవాలి!

ప్రజా భద్రత కోసం ఏర్పాటు చేసిన ఆస్తులను ధ్వంసం చేస్తున్న ఇలాంటి వ్యక్తులపై కఠిన చర్యలు తీసుకోవాలని ప్రజలు డిమాండ్ చేస్తున్నారు. వెంటనే పోలీసు యంత్రాంగం స్పందించి, బైపాస్ పై నైట్ పూట గస్తీ (Night Patrolling) ముమ్మరం చేయాలని, అసాంఘిక శక్తుల ఆగడాలకు తక్షణమే అడ్డుకట్ట వేసి మన బైపాస్ అందాన్ని, భద్రతను కాపాడాలని చిలకలూరిపేట వాసులు కోరుతున్నారు.

దానికి సంబందించిన వీడియో కోసం క్రింది లింక్ పైన క్లిక్ చెయ్యండి.

https://www.instagram.com/reel/DbmxImeJacp/?igsh=M2F0cHNxcHg1dGgy

Share:

Read More

చిలకలూరిపేట - సుబ్బయ్య తోటలో పెట్రోల్ దొంగల పంజా... వీధిలైట్లు లేని రోడ్లే టార్గెట్...నిద్రపోతున్న అధికారులు... ప్రాణభయంలో ప్రజలు! ఆ ప్రాంతంలో దారుణ పరిస్థితులు... అసలు ఏం జరిగిందో తెలుసుకోవడం కోసం క్రింద లింక్ పై క్లిక్ చేయండి....

చిలకలూరిపేట - సుబ్బయ్య తోటలో పెట్రోల్ దొంగల పంజా... వీధిలైట్లు లేని రోడ్లే టార్గెట్...నిద్రపోతున్న అధికారులు... ప్రాణభయంలో ప్రజలు! ఆ ప్రాంతంలో దారుణ పరిస్థితులు...

చిలకలూరిపేటలో చీకటి రాజ్యం... దడ పుట్టిస్తున్న దొంగలు, భయపెడుతున్న వీధి కుక్కలు! 🚨

​గత కొద్ది రోజులుగా చిలకలూరిపేట పట్టణ ప్రజలకు కంటిమీద కునుకు లేకుండా పోయింది. ఒకవైపు దొంగల హడావిడి, మరోవైపు వీధి కుక్కల స్వైర విహారం... వీటికి తోడు అధికారుల నిర్లక్ష్యం తోడై పట్టణంలో భయానక వాతావరణం నెలకొంది. కరెంటు లేని చీకటి వీధుల్లో రాత్రివేళ ఏం జరుగుతుందోనని స్థానికులు బిక్కుబిక్కుమంటూ బతుకుతున్నారు.

​💡 వెలుగని వీధి దీపాలు... దొంగలకు వరాలు! 🥷

సుబ్బయ్య తోట, పాత రవి ఎక్స్-రే రోడ్డు పరిసర ప్రాంతాలు ఇప్పుడు దొంగలకు కేరాఫ్ అడ్రస్‌గా మారాయి. రాత్రి అయితే చాలు ఈ ప్రాంతాలు చిమ్మ చీకట్లోకి జారుకుంటున్నాయి. అధికారుల నిర్లక్ష్యంతో వెలగని వీధి దీపాలు దొంగలకు అడ్డాగా, చోరీలకు అనువైన ప్రదేశాలుగా మారుతున్నాయి. ఏ మూల నుంచి ఎవరు దాడి చేస్తారో అర్థం కాని గగుర్పాటు కలిగించే పరిస్థితి ఇక్కడ నెలకొంది.

​🏍️ చుక్క చుక్కా... పెట్రోల్ పాయే! ⛽

చీకటిని ఆసరాగా చేసుకున్న కేటుగాళ్లు, ఇళ్ల బయట పార్క్ చేసిన ద్విచక్ర వాహనాలను టార్గెట్ చేస్తున్నారు. ప్రతిరోజూ రాత్రి వాహనాల్లోని పెట్రోల్ చోరీకి గురవుతుండటంతో సామాన్య, మధ్యతరగతి ప్రజలు లబోదిబోమంటున్నారు. రాత్రిపూట ఏదైనా అలికిడి వినిపించి, ఏ దొంగలో పడ్డారని చూద్దామంటే... ఆ చిమ్మచీకట్లో వాళ్ళు ఎదురుదాడి చేస్తే ప్రాణాలు ఎక్కడ పోతాయోనన్న భయంతో ప్రజలు ఇళ్లల్లోనే ఉండిపోవాల్సిన దయనీయ స్థితి దాపురించింది. దొంగలకు అడ్డూ అదుపూ లేకుండా పోయింది.

​🐕 కుక్కల స్వైర విహారం... ప్రాణాల మీదకు వస్తున్న వైనం! 🩸

దొంగల భయం ఒక ఎత్తయితే... వీధి కుక్కల భయం మరొక ఎత్తు. చీకటి పడితే చాలు ప్రధాన రహదారులపై కుక్కలు గుంపులు గుంపులుగా తిరుగుతూ దారినపోయే వారిపై ఎగబడుతున్నాయి. వాహనదారులను వెంటాడి మరీ భయభ్రాంతులకు గురిచేస్తున్నాయి. తాజాగా ఇదే ప్రాంతంలో చీకట్లో ఉన్న ఒక చిన్నారిపై కుక్కలు దాడి చేసి కాటు వేయడం స్థానికులను తీవ్ర కలవరానికి గురిచేసింది. పిల్లలను బయటకు పంపాలంటేనే తల్లిదండ్రులు వణికిపోతున్నారు.

​⚠️ అధికారులూ... ఇంకెప్పుడు మేల్కొంటారు? 🛑

ఇన్ని సమస్యలు ఒకేసారి పట్టి పీడిస్తున్నా మున్సిపల్, విద్యుత్ శాఖ అధికారులు చోద్యం చూడటం దారుణం. ఇప్పటికైనా సంబంధిత అధికారులు నిద్ర మత్తు వీడి, తక్షణమే సుబ్బయ్య తోట, పాత రవి ఎక్స్-రే రోడ్డు తదితర ప్రాంతాల్లో వీధి దీపాలకు మరమ్మతులు చేయించాలి. అలాగే వీధి కుక్కల బెడదను నివారించి, పోలీసుల సాయంతో రాత్రి పూట పెట్రోలింగ్ పెంచాలని స్థానికులు ముక్తకంఠంతో విజ్ఞప్తి చేస్తున్నారు. ఏదైనా పెద్ద ప్రాణనష్టం జరిగేలోపు అధికారులు స్పందిస్తారో లేదో వేచి చూడాలి!

​- మీ చిలకలూరిపేట స్పీడ్ న్యూస్ 🎤

వీడియో కోసం క్రింది లింక్ పైన క్లిక్ చెయ్యండి.

https://www.instagram.com/reel/DbmhvLFJD4j/?igsh=MTQ0emN3dGVxbXhzZQ==

Share:

Read More