చిలకలూరిపేట రోడ్లపై మృత్యుఘోష.. రోజుకొక ఆక్సిడెంట్... ఆ మరణాలను ఆపేది ఎవరు? - మాదాసు భాను ప్రసాద్
చిలకలూరిపేటలో వరుస రోడ్డు ప్రమాదాలు : అడ్వకేట్ మాదాసు భాను ప్రసాద్
ఇటీవల చిలకలూరిపేటలో వరుసగా జరుగుతున్న రోడ్డు ప్రమాదాలు, ఆ ప్రమాదాల్లో అమాయకులు ప్రాణాలు కోల్పోతున్న సంఘటనలు స్థానికుల్లో తీవ్ర ఆందోళన కలిగిస్తున్నాయి. ఈ వరుస మరణాలకు తక్షణమే చెక్ పెట్టాలని, ప్రమాదాల నివారణకు శాశ్వత పరిష్కారాలను కనుగొనేందుకు వెంటనే 'రోడ్డు సేఫ్టీ కమిటీ మీటింగ్' ను ఏర్పాటు చేయాలని ప్రముఖ న్యాయవాది, సామాజికవేత్త మాదాసు భాను ప్రసాద్ డిమాండ్ చేశారు.
ప్రస్తుతం జరుగుతున్న ప్రమాదాలలో ఎక్కువ శాతం నివారించదగినవేనని ఆయన అభిప్రాయపడ్డారు. ముఖ్యంగా వాహనదారుల్లో అవగాహన రాహిత్యం, కొంత నిర్లక్ష్యం, అలాగే నిబంధనలు ఉల్లంఘించే వారిపై అధికారుల మెతక వైఖరే ఈ ఘోర ప్రమాదాలకు ప్రధాన కారణమని ఆయన స్పష్టం చేశారు.
ప్రమాదాలకు దారితీస్తున్న ప్రధాన అంశాలు ఇవే:
- మిరుమిట్లు గొలిపే లైట్లు: కొందరు ద్విచక్ర వాహనాలకు, కారులకు పరిమితికి మించి అధిక వెలుగునిచ్చే ఎల్ఈడీ (LED) బల్బులు వాడటం వలన, ఎదురుగా వచ్చే వాహనదారులకు రోడ్డు సరిగ్గా కనిపించక ప్రమాదాల బారిన పడుతున్నారు.
- మైనర్ల డ్రైవింగ్: సరైన వయసు, డ్రైవింగ్ నైపుణ్యం లేని మైనర్లు వాహనాలను నడపడం కూడా యాక్సిడెంట్లకు మరో ముఖ్య కారణం.
- బ్లాక్ స్పాట్స్: తరచుగా ప్రమాదాలు జరిగే ప్రాంతాలను (బ్లాక్ స్పాట్లను) గుర్తించి తగిన చర్యలు తీసుకోకపోవడం.
ప్రజల భాగస్వామ్యంతోనే ప్రమాదాలను పూర్తి స్థాయిలో నియంత్రించడం సాధ్యమవుతుందని ఆయన అన్నారు. కాబట్టి వెంటనే అధికారులు స్పందించి రోడ్డు సేఫ్టీ కమిటీ మీటింగ్ ఏర్పాటు చేయాలని, స్థానిక ప్రజలు, నిపుణుల నుండి సలహాలు, సూచనలు స్వీకరించి పటిష్టమైన చర్యలు చేపట్టాలని కోరారు. చిలకలూరిపేటలో ఇకపై రోడ్డు ప్రమాదాల వల్ల ఒక్క ప్రాణం కూడా బలి కాకుండా చూడాల్సిన బాధ్యత అధికారులపై ఉందంటూ భాను ప్రసాద్ పిలుపునిచ్చారు.
- మీ చిలకలూరిపేట స్పీడ్ న్యూస్
ఇకపై కరెంట్ బిల్లు కట్టే అవసరం లేదు - పూర్తి వివరాల కోసం ఇప్పుడే కాల్ చేయండి - +91 70135 89826 - ఆదిత్య సోలార్ - సోలార్ గురించి పూర్తి సమాచారాన్ని తెలుసుకొని ఆ తర్వాతే బిగించుకోండి.
మరిన్ని చిలకలూరిపేట వార్తల కోసం క్రింది లింక్ పై క్లిక్ చేయండి.
No comments:
Post a Comment