పల్నాడుకు కొత్త జేసీ.. ఎవరీ సంజన సింహ? ఐఆర్ఎస్ వదిలి.. ఐఏఎస్ సాధించి.. ఇప్పుడు పల్నాడు జేసీగా! సంజన సింహ సక్సెస్ స్టోరీ
చిలకలూరిపేట స్పీడ్ న్యూస్: పల్నాడు జిల్లా పరిపాలనా యంత్రాంగంలో కీలక మార్పు చోటుచేసుకుంది. జిల్లా నూతన జాయింట్ కలెక్టర్ (JC) గా 2022 బ్యాచ్కు చెందిన యువ, డైనమిక్ ఐఏఎస్ అధికారిణి వి. సంజన సింహ నియమితులయ్యారు. ఇప్పటి వరకు గుంటూరు జిల్లా తెనాలి సబ్ కలెక్టర్గా బాధ్యతలు నిర్వర్తించిన ఆమె, అక్కడ తనదైన శైలిలో పాలన సాగించి ప్రజల మన్ననలు పొందారు. ముఖ్యంగా ఇటీవల గుంటూరులోని ఎస్.ఆర్.ఎం (SRM) యూనివర్సిటీలో జరిగిన ఫుడ్ పాయిజనింగ్ ఘటనలో ఆమె జరిపిన విచారణ, తీసుకున్న తక్షణ చర్యలు ఆమె పనితీరుకు నిదర్శనంగా నిలిచాయి.
హైదరాబాద్కు చెందిన సంజన సిన్హా విద్యాభ్యాసం, కెరీర్ యువతకు ఆదర్శం. ఇంజనీరింగ్ పూర్తి చేసిన ఆమె, తొలుత సివిల్స్లో 207వ ర్యాంకుతో ఐఆర్ఎస్ (IRS - Income Tax) అధికారిగా ఎంపికయ్యారు. అయితే ఐఏఎస్ కావాలన్న లక్ష్యంతో పట్టువదలని విక్రమార్కుడిలా ప్రయత్నించి, 2021లో జాతీయ స్థాయిలో 37వ ర్యాంకు (AIR 37) సాధించి తన కలను సాకారం చేసుకున్నారు. ఆమె విజయ ప్రస్థానంలో ఆమె భర్త హర్ష మన్నవ పాత్ర ఎంతో ఉందని ఆమె గర్వంగా చెబుతుంటారు. సివిల్స్ అభ్యర్థులకు ఆంథ్రోపాలజీ ఫ్యాకల్టీగా ఉన్న హర్ష గారు, సంజన గారికి మెంటార్గా, జీవిత భాగస్వామిగా అడుగడుగునా ప్రోత్సాహం అందించారు. పరిపాలనలో చురుకుదనం, విద్యావంతురాలైన నేపథ్యం ఉన్న సంజన సిన్హా రాకతో పల్నాడు జిల్లా అభివృద్ధి మరింత వేగం పుంజుకుంటుందని ఆశిద్దాం.
- రిపోర్టింగ్, చిలకలూరిపేట స్పీడ్ న్యూస్.
⚡ కరెంట్ బిల్లుల మోతతో బెంబేలెత్తుతున్నారా? ⚡
ఇక ఆ చింత మానుకోండి! ☀️ ఆదిత్య సోలార్తో మీ ఇంటిని వెలిగించుకోండి.
✅ మీ కరెంట్ బిల్లును పూర్తిగా 0 (జీరో) చేసుకోండి.
✅ కేంద్ర ప్రభుత్వం నుండి రూ. 78,000/- వరకు భారీ సబ్సిడీని పొందండి. 🇮🇳
సౌరశక్తిని వాడండి - డబ్బులు ఆదా చేయండి! 💰
మరిన్ని వివరాల కోసం సంప్రదించండి:
☀️ ఆదిత్య సోలార్ ప్రైవేట్ లిమిటెడ్, చిలకలూరిపేట
📞 +91 8074300423
మరిన్ని వార్తల కోసం క్రింది లింకు పై క్లిక్ చేయండి. https://whatsapp.com/channel/0029VaLWcILJUM2UjVzcs03g
No comments:
Post a Comment